Odia Facts To KnowOdia Sadhu Bani

ତୁଳସୀ ଦାସଙ୍କର ଶାସ୍ତ୍ର ଅନୁସାରେ ସଫଳତାର ୬ଟି ମନ୍ତ୍ର

Top 6 Mantra for Success by Tulasi Das

ପବିତ୍ର ଓ ପ୍ରସିଦ୍ଧ ହିନ୍ଦୁ ଗ୍ରନ୍ଥ ‘ରାମଚରିତମାନସ’ର ରଚୟିତା ତୁଳସୀଦାସ ମନୁଷ୍ୟ ଜୀବନରେ ସଫଳତା ପ୍ରାପ୍ତି ପାଇଁ ୬ଟି ଅମୂଲ୍ୟ ଉପଦେଶ ଦେଇଛନ୍ତି | ମନୁଷ୍ୟ ହେଉଛି ଇଶ୍ବରଙ୍କର ଶ୍ରେଷ୍ଠ ସୃଷ୍ଟି | ପ୍ରତ୍ୟେକ ମନୁଷ୍ୟ ଜୀବନରେ ଆନନ୍ଦ ,ଉନ୍ନତି ଓ ସଫଳତା ପ୍ରାପ୍ତିର ବାଟ ଖୋଜିଥାଏ। ପ୍ରତ୍ୟେକ ବ୍ୟକ୍ତି ଚାହିଁଥାନ୍ତି ଯେ, ନିଜକୁ ସମ୍ମାନ ମିଳୁ, ନିଜର ନାମ ଉଚ୍ଚା ହେଉ ଓ ଜୀବନ ଧନ ସମ୍ପତ୍ତିରେ ପରିପୂର୍ଣ୍ଣ ହେଉ । କିନ୍ତୁ ମନୁଷ୍ୟ କେବେ ଏହି କଥା ଭାବି ନଥାଏ ଯେ ଏସବୁର ଆବଶ୍ୟକତା ଜୀବନରେ କାହିଁକି ବା କିପରି ଉପାୟରେ ଏସବୁକୁ ପ୍ରାପ୍ତ କରିହେବ |
Top 6 Mantra for Success by Tulasi Das
Top 6 Mantra for Success by Tulasi Das
 ତେବେ ଆସନ୍ତୁ ଜାଣିବା ସଫଳତାର ସେହି ଛଅଟି ମନ୍ତ୍ର ଯାହା ତୁଳସୀ ଦାସ କହିଯାଇଛନ୍ତି :-
୧. ତୁଳସୀଦାସ କହିଛନ୍ତି ଯେ, ମଧୁର ବଚନ କହୁଥିବା ବ୍ୟକ୍ତି ସବୁବେଳେ ଖୁସିରେ ରହିଥା’ନ୍ତି । କାହାକୁ ବି ମୋହିତ କରିବା ପାଇଁ ଏହା ସବୁଠାରୁ ସହଜ ସରଳ ଉପାୟ ଅଟେ । ତେଣୁ କରି ପ୍ରତ୍ୟେକ ବ୍ୟକ୍ତିଙ୍କୁ କଠୋର ବଚନ ଛାଡ଼ି ମଧୁର ବଚନ କହିବା ପାଇଁ ଚେଷ୍ଟା କରିବା ଉଚିତ ।
Tulasi Das Odia Sadhu Bani
Tulasi Das Odia Sadhu Bani
୨. ତୁଳସୀ ଦାସ କହିଛନ୍ତି ଯେ, ଗୁରୁ ଦେଇଥିବା ଶିକ୍ଷାକୁ ଯେଉଁ ବ୍ୟକ୍ତି ସମ୍ମାନ କରି ନ ଥାଏ ଏବଂ ତାହାକୁ ପରିହାସ କରିଥାଏ ; ସେ ଜୀବନରେ ବହୁତ ଅନୁତାପ ଓ ଅନୁଶୋଚନା କରିଥାଏ । କାରଣ ଗୁରୁ ହେଉଛନ୍ତି ସାକ୍ଷାତ ଇଶ୍ବର ଯିଏ ମନୁଷ୍ୟକୁ ଅଜ୍ଞାନ ଅନ୍ଧକାରରୁ ବାହାର କରି ମନୁଷ୍ୟର ଜୀବନରେ ଜ୍ଞାନର ଉଜ୍ବଳ ଦୀପ ଜଳାଇ ଥା’ନ୍ତି |
୩. ତୁଳସୀ ଦାସ ଏହା ମଧ୍ୟ କହିଛନ୍ତି ଯେ, ବର୍ଷା ଋତୁରେ ବେଙ୍ଗର ଭୟାନକ ଧ୍ୱନି ଏତେ ବେଶି ହୋଇଯାଇ ଥାଏ ଯେ, କୋଇଲିର ମିଠା ବାଣୀ ତାର ପ୍ରକୋପରେ ଦବି ଯାଇଥାଏ । ସେହିପରି ଯେବେ ଚତୁର ଓ ମୁର୍ଖଙ୍କ ମଧ୍ୟରେ ବାର୍ତ୍ତାଳାପ ହୋଇଥାଏ, ତେବେ ଭଲ ଲୋକର କଥା ପ୍ରତି କେହି ଧ୍ୟାନ ଦିଅନ୍ତି ନାହିଁ । ଏହି ସମୟରେ ଭଲ ଲୋକ ଚୁପ ରହିବା ହିଁ ଠିକ୍ ।
୪. ଗୌସ୍ୱାମୀ ତୁଳସୀ ଦାସ କହିଛନ୍ତି ଯେ, ଭଗବାନ ରାମଙ୍କ ଉପରେ ବିଶ୍ଵାସ ରଖି ଆରାମର ବଂଶୀ ବଜାଅ । ଅର୍ଥାତ୍ ମନରେ କୌଣସି ଅନିଶ୍ଚିତ ବା ନକରାତ୍ମକ ଚିନ୍ତା ନ ରଖି ସର୍ବଦା ଶାନ୍ତ ଓ ସ୍ଥିରମନା ହୋଇ ନିଜ କର୍ତ୍ତବ୍ୟ କରି ଚାଲିବା ଆବଶ୍ୟକ | କାରଣ ଏହି ସଂସାରରେ କିଛି ବି ଅସମ୍ଭବ ନୁହେଁ । ଆଉ ଯାହା ହେବାକୁ ଥିବ ତାକୁ କେହି ବି ଅଟକାଇ ରଖି ପାରିବେ ନାହିଁ । କାହିଁକି ନା ଭଗବାନ ବା ଇଶ୍ବରଙ୍କ ଇଚ୍ଛା ବିନା ଗୋଟିଏ ପତ୍ର ବି ହଲି ନଥାଏ । ତେଣୁକରି ଆପଣ ସମସ୍ତେ ଚିନ୍ତାରୁ ମୁକ୍ତ ହୋଇ ନିଜର କର୍ମ କରିଚାଲନ୍ତୁ ।
୫. ତୁଳସୀ ଦାସଙ୍କ ମତ ଅନୁସାରେ ଘର ର ମୁଖିଆଙ୍କର ସ୍ବଭାବ ସର୍ବଦା ମୁଖ ପରି ହେବା ଉଚିତ | ଅର୍ଥାତ୍ ମୁଖ ଯେପରି ଏକା ଖାଇ ଥାଏ, ପିଇ ଥାଏ ମାତ୍ର ଶରୀର ର ପ୍ରତ୍ୟେକ ଅଙ୍ଗ ପ୍ରତ୍ୟେଙ୍ଗକୁ ସମାନ ଭାବେ ପାଳନ ପୋଷଣ କରିଥାଏ, ସେହିପରି ଘରର ମୁଖିଆ ଘର ର ସବୁ ସୁଖ, ସୁବିଧା, ସମ୍ପତ୍ତି ଓ ଅଧିକାରକୁ ନିଜ ହାତ ମୁଠାରେ ରଖି ଯଦି ଘର ର ସବୁ ସଦସ୍ୟଙ୍କର ବିବେକପୂର୍ବକ ଉପଯୁକ୍ତ ଆଦର ଯତ୍ନ କରି ତାଙ୍କର ଆବଶ୍ୟକତାକୁ ବିନା ପକ୍ଷପାତରେ ସମଦୃଷ୍ଟିରେ ଦେଖିବା ଉଚିତ ଯାହା ପ୍ରକୃତ ମୁଖିଆର କର୍ତ୍ତବ୍ୟ |
୬. ତୁଳସୀ ଦାସ କହିଛନ୍ତି ସମୟ ସବୁ ଠାରୁ ବଳବାନ କାରଣ ସମୟ ହିଁ ମଣିଷକୁ ସର୍ବଶ୍ରେଷ୍ଠ ସ୍ଥାନକୁ ଉପନୀତ କରାଇଥାଏ ଏବଂ ସମୟ ହିଁ ମଣିଷକୁ ଦୁର୍ବଳ ବନାଇ ତଳିତଳାନ୍ତ କରି ଦେଇଥାଏ । ତେଣୁ ପ୍ରତ୍ୟେକ ମନୁଷ୍ୟ ସମୟର ସଦୁପଯୋଗ କରିବା ଉଚିତ୍ ଓ ବର୍ତ୍ତମାନକୁ ବିଶେଷ ଗୁରୁତ୍ବ ଦେଇ, ଭଲ କର୍ମ କରି ଜୀବନରେ ଆଗକୁ ଯିବା ଦରକାର |
Odia Sadhu Vani By Tulasi Das
Odia Sadhu Vani By Tulasi Das
ଆଶା କରୁଛୁ ପୌରାଣିକ ତଥ୍ୟଭିତ୍ତିକ ଆମର ଏହି ଅନୁଚ୍ଛେଦଟି ଆପଣଙ୍କୁ ନିଶ୍ଚୟ ଭଲ ଲାଗିବ |

Comments

comments

Tags

Leave a Reply

Your email address will not be published. Required fields are marked *

Back to top button
ଜମାରୁ ମିସ କରନ୍ତୁନି !!! - DON’T MISS OUT !!!
Subscribe To OdiaWeb
Be the first to get latest updates and exclusive content straight to your email inbox.
ନୁଆ ନୁଆ ନିଉଜ ଆଉ ତଥ୍ୟ ଆପଣଙ୍କ ମେଲ ରେ, ଆଜିହିଁ ସବସ୍କ୍ରାଇବ କରନ୍ତୁ ।

ନିଉଜ, ଫିଲ୍ମ, ଗୀତ, ଫଟୋ, ଭିଡିଓ, ଶାୟରୀ, ମୋବାଇଲ ଆପ୍, ଚାକିରୀ, ସ୍ୱାସ୍ଥ୍ୟ, ଖାଦ୍ୟ ଏବଂ ଆହୁରି କେତେ....
Stay Updated
Give it a try, you can unsubscribe anytime.  ଆପଣ କେବେବି ଅନସବସ୍କ୍ରାଇବ କରିପାରିବେ ।
Close
X