Latest NewsOdia Facts To KnowOdisha Viral

ଚାଣକ୍ୟନୀତି କହେ ଯେ ଅସତ୍ ଉପାୟରେ ଧନ ଅର୍ଜନ କଲେ ହେବ ଏପରି ଅବସ୍ଥା

Chanakya Niti Shikya in Odia Language

ଆପଣ ଜାଣନ୍ତି ଯେ ମୌର୍ଯ୍ୟ ବଂଶର ପ୍ରତିଷ୍ଠାତା ଚାଣକ୍ୟ ଜଣେ ସୁଜ୍ଞାନୀ, ବିଦ୍ବାନ, ପଣ୍ଡିତ, ଦାର୍ଶନିକ, ଅର୍ଥନୀତିଜ୍ଞ ତଥା ଚନ୍ଦ୍ରଗୁପ୍ତ ମୌର୍ଯ୍ୟଙ୍କର ପରାମର୍ଶଦାତା ଥିଲେ | ଚାଣକ୍ୟଙ୍କର ଅନ୍ୟ ନାମ ହେଉଛି କୌଟୁଲ୍ୟ ଓ ବିଷ୍ଣୁଗୁପ୍ତ | ସେ ତକ୍ଷଶୀଳାରେ ଖ୍ରୀ.ପୂ. ୩୭୧ରେ ଜନ୍ମ ଗ୍ରହଣ କରିଥିଲେ ଓ ଖ୍ରୀ.ପୂ. ୨୮୩ରେ ପାଟଳୀପୁତ୍ରରେ ମତ୍ୟୁବରଣ କରିଥିଲେ | ତାଙ୍କ ଦ୍ବାରା ରଚିତ ମାନବ ସମାଜକୁ ଅନେକ ଉପଦେଶ ଦେଉଥିବା ‘ଚାଣକ୍ୟନୀତି’ ଓ ଅର୍ଥର ସୁବିନିଯୋଗକୁ ନେଇ ‘ଅର୍ଥଶାସ୍ତ୍ର’ ତାଙ୍କର ମନୁଷ୍ୟ ସମାଜକୁ ଦୁଇଟି ଅମୂଲ୍ୟ ଦାନ ଯାହା ସମାଜକୁ ଉଚିତ ମାର୍ଗ ପ୍ରଦର୍ଶନ କରିବାରେ ଓ ସମାଜର ଉନ୍ନତି କରାଇବାରେ ବେଶ ସହାୟକ | ଆଜି ମଧ୍ୟ ‘ଚାଣକ୍ୟନୀତି’ରେ ବର୍ଣିତ ନୀତିବାଣୀ ବା ପରାମର୍ଶ ବା ଉପଦେଶ ଆମ ମଧ୍ୟରେ ବହୁତ ଲୋକପ୍ରିୟ |
‘ଚାଣକ୍ୟନୀତି’ରେ ମାନବ ସମାଜ କିପରି ସୁଖ ଶାନ୍ତିରେ ରହି ପ୍ରଗତି କରି ପାରିବ ତାହାକୁ ନେଇ ଅନେକ ପରାମର୍ଶ ରହିଛି ! ତନ୍ମଧ୍ୟରୁ ଏବେ ଆସନ୍ତୁ ଜାଣିବା ଯେ, ଭୁଲ ଉପାୟରେ ଅର୍ଜନ କରିଥିବା ଧନ ମନୁଷ୍ୟ ପାଖରେ କେତେ ଦିନ ରହିଥାଏ ଓ କେଉଁ ପ୍ରକାରେ ଖର୍ଚ୍ଚ ହୋଇଥାଏ |
Odia Chanakya Niti Thoughts
Odia Chanakya Niti Thoughts
ଜୀବନରେ ଧନ ଅର୍ଜନ କରିବାକୁ ସମସ୍ତେ ଚାହାନ୍ତି, କେତେଲୋକ ସତ୍ ଉପାୟରେ ଧନ ଅର୍ଜନ କରନ୍ତି ତ କେତେ ଲୋକ ଅସତ୍ ଉପାୟରେ । ତେବେ ଯେଉଁମାନେ ଅସତ୍ ଉପାୟରେ ଧନ ଅର୍ଜନ କରନ୍ତି କିମ୍ବା ସଞ୍ଚୟ କରନ୍ତି ସେମାନଙ୍କର ଧନ କେଉଁ ଉପାୟରେ ଖର୍ଚ୍ଚ ହୁଏ ବା କେତେଦିନ ସେମାନେ ସେହି ଧନ ଭୋଗ କରିପାରନ୍ତି ଆଜି ଆମେ ଆପଣଙ୍କୁ ସେ ବିଷୟରେ ଜଣାଇବୁ ।
‘ଚାଣକ୍ୟନୀତି’ରେ ଲେଖା ଅଛି ଯେ, ଅସତ୍ ଉପାୟରେ ଧନ ଅର୍ଜନ କରିବା କଥା ନୁହେଁ । ଏହି ପ୍ରକାରେ ଅର୍ଜନ କରିଥିବା ପଇସା ବା ଧନ-ସମ୍ପତ୍ତି ଅଧିକ ଦିନ ପର୍ଯ୍ୟନ୍ତ ରୁହି ପାରେ ନାହିଁ । ଚାଣକ୍ୟ କହିଛନ୍ତି ଯେ, କୌଣସି ମଣିଷକୁ ଧୋକା ଦେଇ ବା ବଳ ପୂର୍ବକ ବା ଜୋର-ଜବରଦସ୍ତି ବା ଲୋଭ ଦେଖାଇ ଅର୍ଜନ କରାଯାଇଥିବା ଧନ-ସମ୍ପତ୍ତି ଅଧିକ ଦିନ ପର୍ଯ୍ୟନ୍ତ କେବେ ହେଁ ରହେ ନାହିଁ । ଏହି ଉପାୟରେ ମିଳିଥିବା ଟଙ୍କା ପଇସା ମନୁଷ୍ୟକୁ ଶାରୀରିକ ଓ ମାନସିକ ସମସ୍ୟାରେ ପକାଇ ଥାଏ । ଏହି ପ୍ରକାରର ପଇସା ଜୀବନରେ ଅଶାନ୍ତି ଭରି ଥାଏ । ଅସତ୍ ଉପାୟରେ ଧନ ଅର୍ଜନ କରୁଥିବା ଲୋକ ନିଜ ସହିତ ପରିବାର, ସମାଜର ସମସ୍ୟା ମଧ୍ୟ ବଢାଇଥାନ୍ତି ।
ଏହି ପରିପ୍ରେକ୍ଷୀରେ ଆମେ ଆପଣଙ୍କୁ ଚାଣକ୍ୟ ନୀତିର ଗୋଟିଏ ଶ୍ଳୋକ ମନେ ପକାଇ ଦେଉଛୁ:-
“ଅନ୍ୟାୟୋପାର୍ଜିତ ଦ୍ରବ୍ୟଙ୍ଗ ଦଶ ବର୍ଷଣି ତିଷ୍ଟତି ।
ପ୍ରାପ୍ତେ ଏକାଦଶେ ବର୍ଷେ ସମୁଲଙ୍ଗ ଚ ବିନଷ୍ୟତି ।”
                   ଅର୍ଥାତ୍, ଅନ୍ୟାୟ ଓ ଭୁଲ କାର୍ଯ୍ୟ କରି ଅର୍ଜନ କରାଯାଇଥିବା ଧନ ଅତି ବେଶିରେ ଦଶ ବର୍ଷ ପର୍ଯ୍ୟନ୍ତ ବ୍ୟକ୍ତି ପାଖରେ ରହିଥାଏ । ୧୧ ବର୍ଷ ଠାରୁ ସେହି ବ୍ୟକ୍ତିର ଧନର ବିନାଶ ଆରମ୍ଭ ହୋଇଯାଏ । ଚାଣକ୍ୟ ନୀତି ଅନୁସାରେ ପାପ କର୍ମ ଦ୍ଵାରା ବା କାହାକୁ କଷ୍ଟ ଓ ଦୁଃଖ ଦେଇ ଅର୍ଜିତ ପଇସା ଅଭିଶାପିତ ହୋଇ ମଣିଷର ସର୍ବନାଶ କରି ତାକୁ ତଳିତଳାନ୍ତ କରିଥାଏ ।
Download Odia Chanakya Niti Android App
ଏହି ଧନର ପ୍ରଭାବରେ ଭଲ ମଣିଷ ବି ପାପ ଆଡକୁ ବଢି ଥାଆନ୍ତି । ଏଥିପାଇଁ ଏମିତି ପାଇସା ଠୁ ଦୂରେଇ ରହିବା ଦରକାର | ନଚେତ୍ ଖୁବ ଶିଘ୍ର ସେହି ବ୍ୟକ୍ତିର ବଂଶ ନାଶ ମଧ୍ୟ ହୋଇଥାଏ । ଆଚାର୍ଯ୍ୟ ଚାଣକ୍ୟ କୁହିଛନ୍ତି ଯେ, ଏହି ଧନ ଦଶ ବର୍ଷରୁ ଅଧିକ ରହି ପାରେ ନାହିଁ । ତାହା ପରେ ଦୁଇ ଗୁଣା ଖର୍ଚ୍ଚ ବା କ୍ଷତି ହୋଇ ସେହି ପଇସା ଚାଲିଯାଏ । ଆପଣ ବି ବଡ ଲୋକଙ୍କ ମୁହଁରୁ ଏହି କଥାଟି ଶୁଣି ଥିବେ ଯେ, “ଅନ୍ୟାୟ ଧନ ବଢେ ବହୁତ; ଗବାବେଳେ ଯାଏ ମୂଳ ସହିତ…”
 ଆମେ ଏପରି ଅନେକ ଶିକ୍ଷଣୀୟ ବାର୍ତ୍ତା ଆପଣଙ୍କ ପାଇଁ ଆଗକୁ ପୋଷ୍ଟ କରିବୁ | ଆମ ଠାରୁ ଉପାଦେୟ ତଥ୍ୟ ପାଇବା ପାଇଁ ଆମ ପେଜ୍ ସହ ଯୋଡି ହୋଇ ରହନ୍ତୁ |

Comments

comments

Tags

Leave a Reply

Your email address will not be published. Required fields are marked *

Back to top button
ଜମାରୁ ମିସ କରନ୍ତୁନି !!! - DON’T MISS OUT !!!
Subscribe To OdiaWeb
Be the first to get latest updates and exclusive content straight to your email inbox.
ନୁଆ ନୁଆ ନିଉଜ ଆଉ ତଥ୍ୟ ଆପଣଙ୍କ ମେଲ ରେ, ଆଜିହିଁ ସବସ୍କ୍ରାଇବ କରନ୍ତୁ ।

ନିଉଜ, ଫିଲ୍ମ, ଗୀତ, ଫଟୋ, ଭିଡିଓ, ଶାୟରୀ, ମୋବାଇଲ ଆପ୍, ଚାକିରୀ, ସ୍ୱାସ୍ଥ୍ୟ, ଖାଦ୍ୟ ଏବଂ ଆହୁରି କେତେ....
Stay Updated
Give it a try, you can unsubscribe anytime.  ଆପଣ କେବେବି ଅନସବସ୍କ୍ରାଇବ କରିପାରିବେ ।
Close
X