ଛତୁ ବେସର

ସାମଗ୍ରୀ :

• • ପାଳଛତୁ – ୫୦୦ ଗ୍ରାମ୍
    
  • ସୋରିଷ – ୨ ଚାମଚ
    
  • ଜିରା – ୧/୨ ଚାମଚ
    
  • କଞ୍ଚା ଲଙ୍କା – ୩ ରୁ ୪ଟି
    
  • ରସୁଣ – ୮ରୁ ୧୦ କୋଲା
    
  • ସୋରିଷ ତେଲ – ୩ ଟେବୁଲ୍-ଚାମଚ
    
  • ହଳଦି – ୧ ଚାମଚ
    
  • ଲୁଣ – ସ୍ୱାଦ ଅନୁସାରେ
    
  • ତେନ୍ତୁଳି ମଣ୍ଡ ବା ଟମାଟୋ ପ୍ୟୁରୀ – ୧ ଟେବୁଲ୍-ଚାମଚ

  • ପ୍ରଣାଳୀ-

    ଛତୁକୁ ବାଛି ସଫା କରି ଧୋଇ ଚିପୁଡ଼ି ହଳଦି-ଲୁଣ ଗୋଳାଇ ତେଲ ଦେଇ ନନ୍‌ଷ୍ଟିକ ରେ ଗନ୍ଧ ଯିବା ଯାଏଁ ଭାଜିଦେଇ କାଢ଼ି ରଖନ୍ତୁ । ଆଉଟିକେ ତେଲ ଦେଇ କରେଇରେ ଫୁଟଣ ଫୁଟାନ୍ତୁ । ଫୁଟିଗଲେ ସୋରିଷ, ରସୁଣ, ଜିରା-ଲଙ୍କାର ପାଲିସ ବଟାକୁ ଦେଇ ୧ କପ୍ ପାଣି ଦେଇଦିଅନ୍ତୁ । ଆଉଟିକେ ହଳଦି ପକାଇ ଗୋଳାନ୍ତୁ । ଫୁଟିଗଲେ ଛତୁଭଜା ପକାଇ ଗୋଳାଇ ଆଞ୍ଚ କମାଇ ଘୋଡ଼ାଇ ବସାନ୍ତୁ । ୧୦ ମିନିଟ୍ ପରେ ଟମାଟୋ ବା ତେନ୍ତୁଳି ମଣ୍ଡ ମିଶାନ୍ତୁ । ପୁଣିଥରେ ଫୁଟାଇ ଝୋଳ ଦରକାର ମୁତାବକ ରଖି ଆଞ୍ଚ ବନ୍ଦ କରନ୍ତୁ ଓ ଗରମ ଗରମ ପରସନ୍ତୁ ।