ପିଆଜି

ସାମଗ୍ରୀ :

• ପିଆଜ – ୨ଟି ( ବଡ )
• ବେସନ – ୧ କପ
• ଅଦା – ୧/୨ ଇଞ୍ଚ
• କଞ୍ଚା ଲଙ୍କା – ୨ ଟି
• ଜୁଆଣି – ୧/୪ ଚା’ ଚାମଚ
• ବେକିଙ୍ଗ ସୋଡ଼ା – ୧/୪ ଚା’ ଚାମଚ
• ଚାଟ ମସଲା – ୧ ଚା’ ଚାମଚ
• ହଳଦୀ ଗୁଣ୍ଡ – ୧/୪ ଚା’ ଚାମଚ
• ଲୁଣ – ସ୍ୱାଦ ଅନୁସାରେ
• ରିଫାଇନ ତେଲ – ଛାଣିବା ପାଇଁ

ପ୍ରଣାଳୀ-

• ପ୍ରଥମେ ପିଆଜକୁ ସରୁ ସରୁ ଲମ୍ବା ଖଣ୍ଡ କରି କାଟନ୍ତୁ । ଲଙ୍କାକୁ ଛୋଟ ଛୋଟ କରି କାଟନ୍ତୁ । ଅଦାକୁ ଛେଚି ରଖନ୍ତୁ ।
• ଏବେ ଗୋଟିଏ ପାତ୍ରରେ ବେସନକୁ ନେଇ ସେଥିରେ ପିଆଜ, ଅଦା,ଲଙ୍କା, ଜୁଆଣି, ବେକିଙ୍ଗ ସୋଡ଼ା, ଚାଟ ମସଲା, ଲୁଣ ଓ ହଳଦୀ ଗୁଣ୍ଡ ପକାଇ ଭଲଭାବରେ ମିଶାନ୍ତୁ ।
• ଏବେ ଅଳ୍ପ ପାଣି ମିଶାଇ ଚକଟନ୍ତୁ । ପେଷ୍ଟ ଯେମିତି ବହଳିଆ ଓ ଟିକିଏ ଟାଣ ରହିବ ସେହି ପରିମାଣରେ ପାଣି ଦେବେ ।
• ଏବେ କରେଇ ରେ ତେଲ ଦେଇ ଗରମ କରନ୍ତୁ । ଗରମ ତେଲ ରେ ମିଶ୍ରଣ ରୁ ଅଳ୍ପ ପକାଇ ଦେଖନ୍ତୁ । ଯଦି ଏହା ଭାସି ଉଠେ ତାହାଲେ ତେଲ ଠିକ ଗରମ ହୋଇଛି ।
• ଏବେ ହାତରେ ବେସନ ମିଶ୍ରଣ କୁ ନେଇ ୩-୪ ଟି ପିଆଜି ଆକାରରେ ପକାନ୍ତୁ । ବେଶୀ ଆଞ୍ଚ ରେ ଭାଜନ୍ତୁ ।
• ଗୋଟିଏ ପାଖ ହେଲା ପରେ ତାକୁ ଓଲଟାଇ ଭାଜନ୍ତୁ । ପିଆଜି ଟିକିଏ ଲାଲ କରି ଭାଜି କାଢ଼ନ୍ତୁ ।
• ଏବେ ଗରମ ଗରମ ପିଆଜିକୁ ଚଟଣି ସହ ପରସନ୍ତୁ ।