ସାମଗ୍ରୀ :
- କଞ୍ଚା କଦଳୀ କଟା – ୧ କପ
- ଖମ୍ବ ଆଳୁ କଟା – ୧ କପ
- ବୋଇତାଳୁ କଟା – ୧ କପ
- ଝୁଡ଼ଙ୍ଗ କଟା – ୧ କପ
- ପୋଟଳ କଟା – ୧ କପ
- ମୂଳା କଟା – ୧ କପ
- କାଙ୍କଡ଼ କଟା – ୧ କପ
- ଜିରା – ୧ ଛୋଟ ଚାମଚ
- ଗୋଲମରିଚ -୧ ଛୋଟ ଚାମଚ
- ପାନ ମଧୁରୀ – ୨ ଛୋଟ ଚାମଚ
- ତେଜ ପତ୍ର – ୧ ଟି
- ଭିଜା ବୁଟ – ୧/୪ କପ
- ବଡି – ୧/୪ କପ
- ଗୁଡ – ୧ ଚାମଚ
- ନଡ଼ିଆ କୋରା – ୧/୪ କପ
- ଶୁଖିଲା ଲଙ୍କା – ୨ ଟି
- ହଳଦୀ ଗୁଣ୍ଡ
- ଲୁଣ – ସ୍ୱାଦ ଅନୁସାରେ
- ହେଙ୍ଗୁ – ଟିକିଏ
ପ୍ରଣାଳୀ-
ପ୍ରଥମେ ପରିବା ସବୁ ଧୋଇ ଭଲଭାବେ କାଟି ରଖନ୍ତୁ । ପରେ ପାନ ମଧୁରୀ , ଜିରା , ତେଜ ପତ୍ର ଓ ଗୋଲମରିଚ କୁ ୩୦ ମିନିଟ ଭିଜାଇ ପେଷ୍ଟ କରିନିଅନ୍ତୁ । ବଡି ଘିଅରେ ଭାଜି ରଖନ୍ତୁ । ଏବେ ପ୍ୟାନ ରେ ୧ଚାମଚ ଘିଅ ଗରମ କରି ଜିରା ମିଶା ପେଷ୍ଟ କୁ ପକାନ୍ତୁ । ଏଥିରେ ସ୍ୱାଦ ଅନୁସାରେ ହଳଦୀ ଓ ଲୁଣ ପକାଇ କସନ୍ତୁ । ଟିକିଏ କସି ସେଥିରେ ସମସ୍ତ ପରିବା ଓ ଭିଜା ବୁଟ ପକାଇ ଗୋଳେଇ ଦିଅନ୍ତୁ । ଏବେ କମ ପାଣି ଦେଇ ପରିବା ସିଝିବା ପାଇଁ ଢାଙ୍କି ଦିଅନ୍ତୁ । ୧୦ ମିନିଟ ପରେ ସେଥିରେ ଗୁଡ ଓ ନଡ଼ିଆ କୋରା କିଛି ଦେଇ ପୁଣି ୧୦ ମିନିଟ ଢ଼ାକାନ୍ତୁ । ଏବେ ବଡି ପକାଇ ଧୀରେ ଧୀରେ ମିଶାଇ ଛୁଙ୍କ ପାଇଁ ଓହ୍ଲାଇ ରଖନ୍ତୁ । ତଡକା ପ୍ୟାନ କୁ ଗରମ କରି ଘିଅ ପକାନ୍ତୁ । ଘିଅ ଗରମ ହେଲେ ସୋରିଷ ଓ ଲଙ୍କା ପକାଇ ଫୁଟାନ୍ତୁ । ସେଥିରେ ଟିକିଏ ହେଙ୍ଗୁ ପକାନ୍ତୁ । ଏବେ ପ୍ୟାନରେ ଛୁଙ୍କ ଦେଇ ଓହ୍ଲାଇ ନେଇ ଗରମ ଗରମ ପରସନ୍ତୁ ।
