ସାମଗ୍ରୀ :
- ଅଟା – ୧ କପ
- ସିଝା ଆଳୁ – ୩ ଟି
- ଲେମ୍ବୁ – ୧/୪
- ଅଦା – ୧ ଇଞ୍ଚ
- କଞ୍ଚା ଲଙ୍କା – ୧ଟି
- ଜିରା – ୧/୨ ଚା’ ଚାମଚ
- ହଳଦୀ ଗୁଣ୍ଡ – ୧/୨ ଚା’ ଚାମଚ
- ଧନିଆ ଗୁଣ୍ଡ – ୧/୨ ଚା’ ଚାମଚ
- ଲୁଣ – ସ୍ୱାଦ ଅନୁସାରେ
- ଘିଅ – ୧ ଟେବୁଲ ଚାମଚ
- କଟା ଧନିଆ ପତ୍ର – ୧ ଚା’ ଚାମଚ
ପ୍ରଣାଳୀ-
ପ୍ରଥମେ ଅଟାରେ ଟିକିଏ ଘିଅ ଓ ସ୍ୱାଦ ଅନୁସାରେ ଲୁଣ ପକାଇ ମିଶାନ୍ତୁ । ଏଥିରେ ଆବଶ୍ୟକ ଅନୁସାରେ ପାଣି ଦେଇ ଚକଟି ରଖନ୍ତୁ । ପରେ ସିଝା ହୋଇ ରହିଥିବା ଆଳୁକୁ ଭଲଭାବେ ଚକଟି ରଖନ୍ତୁ । ଏବେ ପ୍ୟାନରେ ଟିକିଏ ଘିଅ ଗରମ କରି ଜିରା, ଅଦା ଛେଚା ଓ କଟା ଲଙ୍କା ପକାଇ ଟିକିଏ ଭାଜନ୍ତୁ । ସେଥିରେ ଧନିଆ ଗୁଣ୍ଡ, ହଳଦୀ ଗୁଣ୍ଡ ପକାଇ ମିଶାନ୍ତୁ । ସଂଗେ ସଂଗେ ଚକଟି ହୋଇ ରହିଥିବା ଆଳୁକୁ ସେଥିରେ ପକାଇ କସନ୍ତୁ । ଏବେ ଧନିଆ ପତ୍ର ମିଶାନ୍ତୁ ଓ ଟିକିଏ ଲେମ୍ବୁ ରସ ପକାଇ ଆଉ ୧ ମିନଟ କସନ୍ତୁ । କଷି ହୋଇଗଲା ପରେ ଏହାକୁ ଥଣ୍ଡା କରିବାକୁ ଛାଡ଼ି ଦିଅନ୍ତୁ । ଅଟାକୁ ଛୋଟ ଛୋଟ ଗୋଳା କରି ରୁଟି ପରି ବେଲି ଦିଅନ୍ତୁ । ଏହା ଉପରେ ଆଳୁ ମସଲା କୁ ଦେଇ ମୋଡ଼ି ଦିଅନ୍ତୁ ଏବଂ ଆଉଥରେ ପରଟା ଆକାରରେ ବେଲି ରଖନ୍ତୁ । ଏବେ ତାୱା ରେ ଘିଅ ଗରମ କରି ପରଟାକୁ ଦୁଇ ପାଖ ଭଲ କରି ସେକି ଗରମ ଗରମ ଡାଲି, ମିଠା ଦହି କିମ୍ବା ସସ ସହିତ ପରସନ୍ତୁ ।
