ପ୍ରସ୍ତୁତି ସାମଗ୍ରୀ : ୨ବିଡ଼ା ସଜନା ଶାଗ, ୫୦ ଗ୍ରା. ଲେଖାଏଁ ଜହ୍ନି, ବାଇଗଣ, କଖାରୁ ଓ ଭଜାମୁଗ ଡାଲି, ଅଧାକପ୍ କୋରାନଡ଼ିଆ, ୫/ ୬ ପାଖୁଡ଼ା ରସୁଣ, ୧ ଛୋଟଚାମଚ ଫୁଟଣ, ୨ ଟି ଶୁଖିଲାଲଙ୍କା, ୧ ଛୋଟଚାମଚ ଗୁଣ୍ଡହଳଦି, ସ୍ଵାଦ ଅନୁସାରେ ଲୁଣ ।
ପ୍ରସ୍ତୁତ ପ୍ରଣାଳୀ : ସଜନା ଶାଗକୁ ବାଛି ରଖନ୍ତୁ । ଭଜାମୁଗ ଡାଲିକୁ ଧୋଇ ୧ କପ୍ ପାଣି ଦେଇ ଗୁଣ୍ଡହଳଦି ଓ ସ୍ଵାଦ ଅନୁସାରେ ଲୁଣ ପକାଇ ସିଝାଇ ରଖନ୍ତୁ । ରସୁଣରୁ ଚୋପା ଛଡ଼ାଇ ଛେଚି ରଖନ୍ତୁ । ପରିବାଗୁଡ଼ିକ ଚୂନା ଚୂନା କରି କାଟି ରଖନ୍ତୁ । ଚୁଲିରେ କଡ଼େଇ ବସାଇ ତେଲ ପକାନ୍ତୁ । ତେଲ ଗରମ ` ହୋଇଗଲେ ଫୁଟଣ ଓ ଶୁଖିଲାଲଙ୍କା ପକାନ୍ତୁ । ଫୁଟଣ ଫୁଟିଗଲେ ଛେଚାରସୁଣ ଓ ପରିବା ପକାଇ ଭଲ ଭାବରେ ଗୋଳାଇ ସଜନା ଶାଗ ଓ ସିଝାମୁଗ ଡାଲି, କୋରାନଡ଼ିଆ ଓ ସ୍ଵାଦଅନୁସାରେ ଲୁଣ ପକାଇ ଢ଼ାଙ୍କୁଣୀ ଘୋଡ଼ାଇ ଧିମା ଆଞ୍ଚରେ ୫/୧ ୦ ମିନିଟ୍ ରାନ୍ଧନ୍ତୁ । ଢାଙ୍କୁଣୀ କାଢ଼ି ଚୁଲିରୁ ଓହ୍ଲାଇ ଏହାକୁ ଗରମ ଗରମ ପରିବେଷଣ କରନ୍ତୁ ।
