ମୁଗ ଡାଲି ସୁପ୍

ସାମଗ୍ରୀ :

• କିଣା ଚୋପାଛଡ଼ା ବଡ଼ଦାନା ମୁଗ ଡାଲି—୧/୨ କପ୍ (ଘରୋଇ ମୁଗଡାଲି ବି ନେଇ ପାରିବେ )
• ଲୁଣ—ସ୍ବାଦାନୁସାରେ
• ହଳଦିଗୁଣ୍ଡ—୧/୩ ଚାମଚ
• ଗୋଲମରିଚ ଗୁଣ୍ଡ—୧/୨ ଚାମଚ
• ଗୋଟା ଧନିଆ-୧ ଚାମଚ (ଛୋଟ)
• ରାଇସୋରିଷ—୧/୨ ଚାମଚ
• ଲେମ୍ବୁରସ-୧ ବଡ଼ ଟେବୁଲ – ଚାମଚ
• କଟା ଧଣିଆପତ୍ର-୧ ଚାମଚ କଟା
• କଞ୍ଚାଲଙ୍କା -୧ ଚାମଚ
• ଘିଅ ବା ବଟର -୧ ଚାମଚ (ବଡ଼)

ପ୍ରଣାଳୀ-

ଡାଲିକୁ ଧୋଇ ପାଣି କାଢ଼ି ରଖନ୍ତୁ । କୁକରରେ ଘିଅ ବା ବଟର ୧/୨ ଚାମଚ ଗରମ କରନ୍ତୁ । ଡାଲି ପକାଇ ହାଲକା ଭାଜି (୧. ମିନିଟ) ପାଣି ୨ କପ୍ ଦେଇଦିଅନ୍ତୁ । ଲୁଣ ଓ ହଳଦିଗୁଣ୍ଡ ପକାଇ ଆଞ୍ଚ ବଡ଼େଇ ଗୋଟିଏ ସିଟି ମାରି କାଢ଼ି ରଖନ୍ତୁ । କୁକର ଥଣ୍ଡା ହେଲେ କାଢ଼ନ୍ତୁ । କରେଇରେ ବଳକା ଘିଅ ଦେଇ ରାଇ, ଧଣିଆ ପକାଇ ଫୁଟାନ୍ତୁ । ପରେ କଞ୍ଚାଲଙ୍କା ପକାଇ ୨ ମିନିଟ୍ ଭାଜି ଡାଲି ମିଶାନ୍ତୁ । ଏଥର ଲେମ୍ବୁରସ ଓ କିଛି ଧନିଆପତ୍ର ମିଶାନ୍ତୁ । ୩-୫ ମିନିଟ୍ ଫୁଟିବାକୁ ଛାଡ଼ନ୍ତୁ । ପରେ ସର୍ଭିଙ୍ଗ ବାଉଲକୁ କାଢ଼ି ଗୋଲମରିଚ ଗୁଣ୍ଡ, ଧଣିଆପତ୍ର ଓ ବଟର ପକାଇ ଖାଇବାକୁ ଦିଅନ୍ତୁ ।