ସାମଗ୍ରୀ :
- ମିଲ୍ ମେକର (ସୋୟାବିନ ବଡ଼ି) – ୨ କପ
- ପିଆଜ଼ – ୨ ଟି (ଛୋଟ କଟା)
- ତେଜ ପତ୍ର – ୨ ଟି
- ଜିରା – ୧/୨ ଟେବୁଲ ଚାମଚ
- ସୋରିଷ – ୧/୨ ଟେବୁଲ ଚାମଚ
- କଞ୍ଚା ଲଙ୍କା – ୧ ଟି (ଛୋଟ କଟା)
- ଅଦା ରସୁଣ ବଟା – ୧ ଟେବୁଲ ଚାମଚ
- ଲଙ୍କା ଗୁଣ୍ଡ – ୧/୨ ଛୋଟ ଚାମଚ
- ଗରମ ମସଲା – ୧ ଛୋଟ ଚାମଚ
- ଧଣିଆ ଗୁଣ୍ଡ – ୧/୨ ଟେବୁଲ ଚାମଚ
- ସୋରିଷ ତେଲ – ୨ ଟେବୁଲ ଚାମଚ
- ହେଙ୍ଗୁ – ଚିମୁଟାଏ
- ଲୁଣ – ସ୍ୱାଦ ଅନୁସାରେ
- ଟମାଟୋ – ୨ ଟି
- ନଡ଼ିଆ କୋରା – ୩ ଟେବୁଲ ଚାମଚ
- କାଜୁ – ୮ ଟି
ପ୍ରଣାଳୀ-
- ପ୍ରଥମେ ଟମାଟୋ, ନଡ଼ିଆ କୋରା, କାଜୁ କୁ ଗ୍ରାଇଣ୍ଡିଙ୍ଗ କରି ନିଅନ୍ତୁ ।
- ଗ୍ୟାସରେ ୪ କପ ପାଣି ଦେଇ ଗରମ କରନ୍ତୁ ।
- ପାଣି ଫୁଟି ଆସିଲେ ସୋୟାବିନ ବଡ଼ି ପକାନ୍ତୁ । ସୋୟାବିନ ବଡ଼ି ନରମ ହୋଇଗଲେ ଗ୍ୟାସ ରୁ ଓହ୍ଲାଇ ପାଣି ଥଣ୍ଡା ହେବ ଯାଇ ରଖି ଦିଅନ୍ତୁ ।
- ପାଣି ଥଣ୍ଡା ହୋଇଗଲେ ସୋୟାବିନ ବଡ଼ି କୁ ଚିପୁଡ଼ି ପାଣି ରୁ ବାହାର କରି ରଖି ଦିଅନ୍ତୁ ।
- ପ୍ୟାନ ରେ ତେଲ ନେଇ ଗରମ କରନ୍ତୁ, ଗରମ ହୋଇଗଲେ ସୋରିଷ, ଜିରା ପକାନ୍ତୁ । ସୋରିଷ ଫୁଟିବାକୁ ଲାଗିଲେ ଚିମୁଟାଏ ହେଙ୍ଗୁ, ତେଜ ପତ୍ର, ପିଆଜ଼ ଓ କଞ୍ଚା ଲଙ୍କା ପକାନ୍ତୁ । ପିଆଜ଼ ହାଲକା ବାଦାମୀ ରଙ୍ଗ ହେବ ଯାଏ ଫ୍ରାଏ କରନ୍ତୁ ।
- ଏବେ ଅଦା ରସୁଣ ବଟା ପକାଇ ଗୋଳାନ୍ତୁ ଓ ଅଦା ଗନ୍ଧ ଯିବା ଯାଏ ଫ୍ରାଏ କରନ୍ତୁ ।
- ମସଲା ହୋଇଗଲେ ଗ୍ରାଇଣ୍ଡିଙ୍ଗ ହୋଇଥିବା ଟମାଟୋ, ନଡ଼ିଆ କୋରା, କାଜୁ କୁ ପକାଇ ୧୦ ମିନିଟ ଯାଏ ଅଳ୍ପ ଆଞ୍ଚ ରେ ଫ୍ରାଏ କରନ୍ତୁ ।
- ଭଲ ଭାବେ ମସଲା ସହ ମିଶି ଗଲେ ଏହାପରେ ଲଙ୍କା ଗୁଣ୍ଡ, ଗରମ ମସଲା, ଧଣିଆ ଗୁଣ୍ଡ, ଲୁଣ ପକାଇ ଭଲକି ୩ ମିନିଟ ଭଲ ଗୋଳାନ୍ତୁ ।
- ଏବେ ସୋୟାବିନ ବଡ଼ି କୁ ମସଲା ରେ ପକାଇ ୪ -୫ ମିନିଟ ଗୋଳାନ୍ତୁ ଯେପରି ମସଲା ସୋୟାବିନ ବଡ଼ି ରେ ଭଲକି ଲାଗି ଯିବ ।
- ଆବଶ୍ୟକ ମୁତାବକ ପାଣି ଦେଇ ୧୦ – ୧୨ ମିନିଟ ଯାଏ ମଧ୍ୟମ ଆଞ୍ଚ ରେ ଫୁଟିବାକୁ ଦିଅନ୍ତୁ । ତେଲ ଉପରେ ଭାସିବାକୁ ଲାଗିଲେ ଆଞ୍ଚରୁ ଓହ୍ଲାଇ ରୋଟୀ ବା ଭାତ ସହ ପରସନ୍ତୁ ।
