ସାମଗ୍ରୀ
- ପନିର – ୨୫୦ ଗ୍ରାମ (କଟା ଚାରିକଣିଆ)
- ଦହି – ୨୪୦ ଗ୍ରାମ
- ଅଦା ଓ କଞ୍ଚା ଲଙ୍କା ବଟା – ୧ ୧/୨ ଚାମଚ
- ଶୁଖିଲା ଲଙ୍କା – ୨ ଟା
- ହେଙ୍ଗୁ – ଚିମୁଟାଏ
- ଫ୍ରେଶ କ୍ରିମ୍ – ୩ ଚାମଚ (ବଜାର ରେ ମିଳେ ଅମୁଲ କମ୍ପାନୀର )
- ଟମାଟୋ( ମଧ୍ୟମ) – ୧ କଟା
- ଦର କୁଟା କାଜୁ – ୨ ଟେବୁଲ ଚାମଚ
- ଜୀରା ଗୁଣ୍ଡ – ୧/୪ ଚାମଚ
- ହଳଦୀ ଗୁଣ୍ଡ -୧/୪ ଚାମଚ
- ଧଣିଆ ଗୁଣ୍ଡ -୧/୨ ଚାମଚ
- ଲଙ୍କା ଗୁଣ୍ଡ -୧/୨ ଚାମଚ
- ବେସନ – ୨ ଟେବୁଲ ଚାମଚ
- ଶୁଖିଲା ମେଥି ପତ୍ର – ୧/୨ ଚାମଚ
- ସୂର୍ଯ୍ୟମୁଖୀ ତେଲ – ୩ ଟେବୁଲ ଚାମଚ
- ଧଣିଆ ପତ୍ର – ୨ ଚାମଚ କଟା
- ପୁଦିନା ପତ୍ର – ୧ ଚାମଚ କଟା
- ଲୁଣ – ସ୍ୱାଦାନୁସାରେ
ପ୍ରଣାଳୀ-
ପ୍ରଥମେ ଫୁଟଣ କୁ କମ ଆଞ୍ଚ ରେ ଭାଜି ଗ୍ରାଇଣ୍ଡିଙ୍ଗ୍ କରି ଦିଅନ୍ତୁ । କଡେଇ ରେ ୨ ଟେବୁଲ୍ ଚାମଚ ସୂର୍ଯ୍ୟମୁଖୀ ତେଲ ନେଇ ଗରମ କରନ୍ତୁ ସେଥିରେ ୨ ଟି ଶୁଖିଲା ଲଙ୍କା ଓ ହେଙ୍ଗୁ ପକେଇ କିଛି ସମୟ ଭାଜନ୍ତୁ । ଏବେ ଅଦା ଓ କଞ୍ଚା ଲଙ୍କା ବଟା ପକାଇ କିଛି ସମୟ ଘାଟନ୍ତୁ ଯେପର୍ଯ୍ୟନ୍ତ ଅଦା ଗନ୍ଧ ନ ଯାଇଛି , କଟା ଟମାଟୋ ପକାଇ ଗୋଳାଇ ଦିଅନ୍ତୁ । ଏହାପରେ ଜୀରା ଗୁଣ୍ଡ – ୧/୪ ଚାମଚ ହଳଦୀ ଗୁଣ୍ଡ -୧/୪ ଚାମଚ,ଧଣିଆ ଗୁଣ୍ଡ -୧/୨ ଚାମଚ,ଲଙ୍କା ଗୁଣ୍ଡ -୧/୨ ଚାମଚ ପକାଇ ଆଉ ଟିକେ ସମୟ ଗୋଳାନ୍ତୁ । କିଛି ସମୟ ପରେ ଦେଖିବେ ଟମାଟୋ ମସଲା ସହ ମିଶିଯିବ ଓ ଚାରି ପାଖରୁ ତେଲ ବାହାରିବା ଆରମ୍ଭ କରିବ। ଏବେ କାଜୁ ଗୁଣ୍ଡ ପକାଇ ୨ ମିନିଟ ପର୍ଯ୍ୟନ୍ତ କମ୍ ଆଞ୍ଚ ରେ ଗୋଳାନ୍ତୁ । ଏହାପରେ ଗ୍ରାଇଣ୍ଡିଙ୍ଗ୍ ହୋଇଥିବା ଫୁଟଣ ର ଅଧା ପକାନ୍ତୁ ଓ ୧ ଚାମଚ ବେସନ (ଦହି ଛିଡି ନ ଯିବାକୁ ବେସନର ବ୍ୟବହାର କରାଯାଉଛି ) । ବେସନ କୁ ଭଲ ଭାବେ ମସଲା ରେ ମିଶିବା ଯାଇ ଗୋଳାନ୍ତୁ । ଗ୍ୟାସ୍ ଆଞ୍ଚ କମ୍ କରି ଦହି ପକାଇ ସଂଗେ ସଂଗେ ଗୋଳାନ୍ତୁ ସେମିତି ଦହି ଗୋଟେ ଜାଗା ରେ ଜମା ହୋଇ ରହି ନ ଯାଏ । ଏବେ ଲୁଣ ପକେଇ ୨,୩ ମିନିଟ୍ କମ୍ ଆଞ୍ଚ ରେ ଘୋଡ଼ାଇ ଦିଅନ୍ତୁ । କଟା ହୋଇଥିବା ପନିର କୁ ପକାଇ ଆଉ ୨ ମିନିଟ୍ ରାନ୍ଧନ୍ତୁ । ୩ ଚାମଚ ଫ୍ରେଶ୍ କ୍ରିମ୍ ,ଶୁଖିଲା ମେଥି ପତ୍ର ପକାଇ ଗୋଳାଇ ଦିଅନ୍ତୁ । ଏବେ ଆଞ୍ଚ ବନ୍ଦ କରି କଟା ହୋଇଥିବା ଧଣିଆ ପତ୍ର, ପୁଦିନା ପତ୍ର ପକାଇ ଆଉ ଟିକେ ଗୋଳାଇ ଦିଅନ୍ତୁ । ରହି ଯାଇଥିବା ଫୁଟଣ ଗୁଣ୍ଡ ପରସିଲା ବେଳେ ଉପରେ ଛିଂଚି ପରଶନ୍ତୁ ।
