କଦଳୀ ଭଣ୍ଡା ତରକାରୀ

ସାମଗ୍ରୀ :

• କଦଳୀ ଭଣ୍ଡା – ୧ଟି
• ଅଦା ଓ ରସୁଣ ପେଷ୍ଟ – ୫୦ ଗ୍ରାମ
• ବିଲାତି – ୨ଟି (ବଡ଼)
• ପିଆଜ – ୧ଟି ବଡ଼
• ଚିନି – ୧ ଚା’ ଚାମଚ
• ତେଜ ପତ୍ର – ୨ଟି
• ଲଙ୍କା ଗୁଣ୍ଡ – ୧/୨ ଚା’ ଚାମଚ
• ହଳଦୀ ଗୁଣ୍ଡ – ୧ ଚା’ ଚାମଚ
• ଆଳୁ – ୧ଟି ବଡ଼
• ତେଲ – ୨ ଟେବୁଲ ଚାମଚ
• ଗରମ ମସଲା – ୧ ଚା’ ଚାମଚ
• ଲୁଣ – ସ୍ୱାଦ ଅନୁସାରେ

ପ୍ରଣାଳୀ-

• ପ୍ରଥମେ କଦଳୀ ଭଣ୍ଡାକୁ ଛଡାଇ ଓ ଭଲ ଭାବେ ଧୋଇ ଛୋଟ ଛୋଟ(୨-୩ ସେ.ମି.) କରି କାଟି ରଖନ୍ତୁ ।
• ଏବେ ଏହାକୁ ହଳଦୀ ପାଣିରେ ଭିଯାନ୍ତୁ । କିଛି ସମୟ ପରେ ଏହାକୁ ଛାଣି ରଖନ୍ତୁ ।
• ଆଳୁକୁ ଖଣ୍ଡ ଖଣ୍ଡ କରି କାଟି ରଖନ୍ତୁ । ଏବେ ଏହାକୁ ସିଝାଇ ଅଲଗା କାଢି ରଖନ୍ତୁ ।
• ପ୍ୟାନରେ ୨ ଟେବୁଲ ଚାମଚ ତେଲ ନେଇ ଗରମ କରନ୍ତୁ ।
• ଏବେ ଏଥିରେ ୧ ଚା’ ଚାମଚ ଚିନି, ୧ ଚା’ ଚାମଚ ହଳଦୀ ଗୁଣ୍ଡ ଓ ତେଜ ପତ୍ର ପକାନ୍ତୁ ।
• ଯେତେବେଳେ ଚିନି ଭଲଭାବରେ ଚିନି ମିଳେଇ ହୋଇ ଯିବ ସେତେବେଳେ ଅଦା ଓ ରସୁଣ ପେଷ୍ଟ ପକାଇ ବାଦାମୀ ରଙ୍ଗ ଆସିବା ଯାଏ ଭାଜନ୍ତୁ ।
• ଏବେ କଟା ପିଆଜ ଓ ବିଲାତି ପକାଇ ୫ ମିନିଟ ଯାଏ କଶନ୍ତୁ ।
• ପରେ କଟା ହୋଇ ରହିଥିବା କଦଳୀ ଭଣ୍ଡା ଓ ଆଳୁକୁ ପକାଇ ଭଲଭାବରେ ମିଶାଇ ଦିଅନ୍ତୁ ।
• ଏବେ ଲଙ୍କା ଗୁଣ୍ଡ, ଗରମ ମସଲା ଓ ଲୁଣ ପକାଇ ୫ ମିନିଟ ଯାଏ କଶନ୍ତୁ ।
• ପରେ ୨୫୦ ମି.ଲି. ପାଣି ଦେଇ ଢାଙ୍କି ଦିଅନ୍ତୁ । ଏହାକୁ ୧୦ ମିନିଟ ଯାଏ ରାନ୍ଧନ୍ତୁ ।
• ଏବେ ଏହାକୁ ଗରମ ଗରମ ପରସନ୍ତୁ ।