- ସାମଗ୍ରୀ :
- ସୋୟାବିନ୍ ବଡ଼ି- _ ୨ ୦- ୨ ୫ଟି
- କର୍ଣ୍ଣଫ୍ଲୋର- ୨ ଟେବୁଲ୍-ଚାମଚ
- ହଳଦିଗୁଣ୍ଡ–୧ ଚାମଚ
- ଲୁଣ -ସ୍ୱାଦାନୁସାରେ
- ଗୋଲମରିଚ ଗୁଣ୍ଡ -୧/ ଚାମଚ
- ସୋରିଷ ତେଲ— ୧ ଟେବୁଲ୍-ଚାମଚ
- କଟା ପିଆଜ (ସରୁ ଲମ୍ବା)- ୨ଟି ବଡ଼
- କଟା କ୍ୟାପ୍ସିକମ୍ (ଲମ୍ବା) _୧ଟି ବଡ଼
- ଲମ୍ବାକଟା ଟମାଟୋ–୧ଟି ବଡ଼
- କଞ୍ଚାଲଙ୍କା କଟା- ୨ ଚା’-ଚାମଚ
- ରସୁଣ କଟା–୨ ଚାଂ-ଚାମଚ
- ସରୁ-ଲମ୍ବା-କଟା ଅଦା– ୨ ଚା’-ଚାମଚ
- ରିଫାଇନ୍ ତେଲ— ୧ ଟେବୁଲ୍-ଚାମଚ
- ଲୁଣ-ପରିବା ପାଇଁ
- ଧନିଆ ଗୁଣ୍ଡ–୧ ଚାମଚ
- କର୍ଣ୍ଣଫ୍ଲୋର- ୧ ଚାମଚ
- ପାଣି– ୧/୨ କପ୍
- ଗୋଲମରିଚ ଗୁଣ୍ଡ- ୧/୨ ଚାମଚ
- ଟମାଟୋ ସସ୍— ୧ ଟେବୁଲ୍-ଚାମଚ
- ସୋୟା ସସ୍-୧/୨ଟେବୁଲ୍-ଚାମଚ
- ଚିଲି ସସ୍ -୧/୨ଟେବୁଲ୍-ଚାମଚ
- ପାଣି-୧/୨ କପ୍
ପ୍ରଣାଳୀ :
ସୋୟାବିନ୍କୁ ଉଷୁମ ପାଣିରେ ୧୫-୨୦ ମିନିଟ୍ ବତୁରାଇ ଚିପୁଡ଼ି କାଢ଼ନ୍ତୁ । ଗୋଟିଏ ପାତ୍ରରେ ସୋୟାବିନ୍ ସହ କର୍ଣ୍ଣଫ୍ଲୋର, ହଳଦି, ଲୁଣ, ଗୋଲମରିଚ ଗୁଣ୍ଡ ଓ ସୋରିଷ ତେଲ ପକାଇ ହାତରେ ଭଲକରି ମିଶାନ୍ତୁ । ନନ୍ଷ୍ଟିକ୍ ପ୍ୟାନ୍ ରେ ରିଫାଇନ୍ ତେଲ ଗରମ କରି ଏହାକୁ ଲାଲ୍ କରି ଭାଜି କାଢ଼ନ୍ତୁ । ଏଥର ଆଉଟିକେ ତେଲ ଗରମ କରି ରସୁଣ, ଲଙ୍କା ପକାଇ ୨ ମିନିଟ୍ ଭାଜିବା ପରେ କଟା କ୍ୟାପ୍ସିକମ୍ ଓ ପିଆଜ ପକାନ୍ତୁ । ଅଳ୍ପ ଲୁଣ ଦେଇ ନରମ ହେବାଯାଏଁ ଭାଜନ୍ତୁ । ତା’ପରେ କଟା ଟମାଟୋ ପକାନ୍ତୁ, ଗୋଲମରିଚ ଗୁଣ୍ଡ, ଧନିଆ ଗୁଣ୍ଡ ପକାଇ ଗୋଳାଇ ଘୋଡ଼ାଇଦିଅନ୍ତୁ । ସିଝିଗଲେ ସୋୟାବିନ୍ ପକାଇ ଟମାଟୋ ସସ୍, ସୋୟା ସସ୍, ଚିଲି ସସ୍ ପକାଇ. ଭଲକରି ଗୋଳାନ୍ତୁ । ଆଞ୍ଚ କମ୍ରେ ରଖନ୍ତୁ । କର୍ଣ୍ଣଫ୍ଲେର୍କୁ ପାଣିରେ ମିଶାଇ ଏଥିରେ ପକାଇ ତୁରନ୍ତ ଗୋଳାନ୍ତୁ । ପରେ ୧/୨ କପ୍ ପାଣି ଆଉ ଦେଇ ଘୋଡ଼ାଇଦିଅନ୍ତୁ । ୨-୩ ମିନିଟ୍ ପରେ ଗରମାଗରମ ରୁଟି ସହ ପରଶନ୍ତୁ ।
