ସାମଗ୍ରୀ :
- ଦେଶୀ ମୁଗଡାଲି ଭଜା- ୧ କପ୍
- କଞ୍ଚା କଦଳୀ-୧ଟି
- ସାରୁ ୨ କପ୍ (କଟା) `
- କଖାରୁ -୧ କପ୍ (କଟା)
- ଲୁଣ- ସ୍ୱାଦାନୁସାରେ
- ଭଜା ଜିରା-ଲଙ୍କା ଗୁଣ୍ଡ ସଜକୁଟା ୧ ଚାମଚ
- ହଳଦି ଗୁଣ୍ଡ–୧ ଚାମଚ
- ଖମ୍ବଆଳୁ -୧ କପ୍ (କଟା)
- ଓଉ-୧/୨ କପ୍ (କଟା)
- ଜିରା–୧ ଚାମଚ
- ଘିଅ -୨ ଚାମଚ
- ତେଜପତ୍ର -୨ଟି
ପ୍ରଣାଳୀ :
ପରିବା ସବୁ ଏକା ସାଇଜ୍ରେ କାଟି ରଖନ୍ତୁ । ମୁଗଡାଲିକୁ ୧୫ ମିନିଟ୍ ବତୁରାନ୍ତୁ । କୁକର୍ ଗରମ କରି ଘିଅ ଦିଅନ୍ତୁ । ତେଜପତ୍ର, ଶୁଖୁଲା ଲଙ୍କା, ଜିରା ପକାଇ ଫୁଟାନ୍ତୁ । ପରିବା ପକାଇ ( ପ୍ରଥମେ ଓଉ ଓ ସାରୁ) ୩ ମିନିଟ୍ ଟିକେ ଭାଜନ୍ତୁ । ଲାଳ କମିଗଲେ ଅନ୍ୟ ପରିବା ପକାଇ ୫ ମିନିଟ୍ ଭାଜି ଡାଲି ଧୋଇ ପକାନ୍ତୁ । ହଳଦି, ଲୁଣ ପକାଇ ଡାଲି ଓ ପରିବା ବୁଡ଼ିବାଯାଏଁ ପାଣି ଦେଇ ମଧ୍ୟମ ଆଞ୍ଚରେ ୨ଟି ହ୍ୱିସିଲ୍ ମାରି କାଢ଼ନ୍ତୁ । ଉପରେ ଜିରା-ଲଙ୍କାଗୁଣ୍ଡ ପକାଇ ପରଶନ୍ତୁ ।
