New Odia Short Story Dhanara Sadupayoga

Hi Everyone,

How are you doing. You can find other small stories in our Odia Short Story portal.This story content is utilization of property. In this story Hari has understood that he do not utilizes the property, so he is saw the sad situation. you wil enjoy this odia story and will share with your friends and family.

ହରି ଓ ନରି ଦୁଇଭାଇ । ଦୁହିଁଙ୍କ ଭିତରେ ନିବିଡ ସମ୍ପର୍କ । ହରି ଜଣେ କୁଶଳୀ କୁମ୍ଭକାର । ସେ ମାଟିରୁ ପ୍ରତ୍ୟହ ସୁନ୍ଦର ସୁନ୍ଦର ଖେଳନା ତିଆରି କରି ବଜାରରେ ବିକ୍ରି କରି ଭଲ ଦି’ ପଇସା ରୋଜଗାର କରେ । ହେଲେ ନରି ଥିଲା ଜଣେ ମୂର୍ତ୍ତିକାର । ମୂର୍ତ୍ତିଗୁଡିକ ସତେଯେମିତି ଜୀବନ୍ତ । ବଜାରରେ ତା’ର ଚାହିଦା ବେଶୀ ଓ ଭଲ ରୋଜଗାର ସେମିତି । ଦୁହିଁଙ୍କ ଘର ଗାଁ ଭିତରେ, ସାମନା ସାମନି ।

ନରି ନିଃସନ୍ତାନ ଥିଲା । ଫଳରେ ସେ ହରିର ପୁଅକୁ ଅନ୍ତରର ସହିତ ଭଲ ପାଉଥିଲା ।

ଥରକର କଥା । ଆଗକୁ କିଛି ପର୍ବପର୍ବାଣି ଥିବାରୁ ହରି ଖେଳନା ତିଆରିରେ ପୂରାଦମ୍ ରେ ଲାଗିପଡିଥିବା ବେଳେ ନରିକୁ ମୂର୍ତ୍ତି ତିଆରି କରିବା ପାଇଁ ଫୁରସତ୍ ନଥାଏ । ସେ ବର୍ଷ ଉଭୟେ ଭଲ ବେପାର ବି କଲେ ।

ଦିନେ ହରି ବଜାରରେ ଖେଳନା ବିକ୍ରିକରି ଘରକୁ ଫେରୁଥାଏ । ସଂଧ୍ୟାବେଳେ ଟଙ୍କା ଗଣୁଗଣୁ ଦେଖିଲା, ଟଙ୍କା ଭିତରେ ଏକ ସୁନାମୋହର ଅଛି । ଏଇଟା କୁଆଡୁ ଆସିଲା ବୋଲି ସେ ଆଶ୍ଚର୍ଯ୍ୟ ହୋଇଗଲା । ପରଦିନ ବି ପୁଣି ସେଇ କଥା । ଏଣିକି ତାକୁ ପ୍ରତ୍ୟହ ଗୋଟିଏ ଗୋଟିଏ ସୁନାମୋହର ମିଳୁଛି । ଏହାକୁ ସେ ଲକ୍ଷ୍ମୀ ଠାକୁରାଣୀଙ୍କ କୃପାବୋଲି ଧରିନେଲା । ଯେତେବେଳେ ସୁନାମୋହର ସଂଖ୍ୟା ବଢିବାରେ ଲାଗିଲା ସେତେବେଳେ ଏହାକୁ ଘରେ ରଖିବା ନିରାପଦ ମଣିଲା ନାହିଁ; ସୁତରାଂ ତାକୁ ଘର ପାଖରେ ଥିବା ଏକ ଗଛ ମୂଳେ ଗାତଖୋଳି ପୋତିଦେଲା । ଏହିଭଳି ଅନେକ ସୁନାମୋହର ଗଚ୍ଛିତ ହୋଇଗଲାପରେ ତାକୁ ବିକ୍ରିକରି ତା’ ବାଡିରେ ଲକ୍ଷ୍ମୀଙ୍କର ଏକ ମନ୍ଦିର ନିର୍ମାଣ କରାଇଦେଲା ।

ପ୍ରତିଦିନ ସଂଧ୍ୟାବେଳେ ଦୁଇଭାଇ ଏକାଠି ବସି କଥାବାର୍ତା ହେଉଥାନ୍ତି । ହରିର ଏଭଳି ଉନ୍ନତି କରିବା ଓ ତାର ଚାଲିଚଳଣିରେ ପରିବର୍ତ୍ତନ ଦେଖି ନରି ଏବେ ଭାଇ ପ୍ରତି ଈର୍ଷାପରାୟଣ ହୋଇଗଲା । ଏବେ ଦୁହିଁଙ୍କ ଭିତରେ ସମ୍ପର୍କର ଦ୍ୱରତ୍ୱ ବି ବଢି ଗଲା । ହରି ଏବେ ଆଳସ୍ୟପରାୟଣ ହୋଇ ଖେଳନା ତିଆରି କରିବା ଛାଡିଦେଲା ।

ଏକଦା ସେହି ଅଂଚଳରେ ମରୁଡି ପଡିଲା । ହରିର ଆଉ କାମଧନ୍ଦା ନଥିଲା ସିନା ଗଚ୍ଛିତ ଧନ ବଢିବଢି ଚାଲିଥିଲା । ନରିର ଆଗଭଳି ମୂର୍ତ୍ତିଗଢା ବି ଚାଲିଥାଏ ସିନା, ଦୁର୍ଭିକ୍ଷ ବେଳେ ମୂର୍ତ୍ତି କିଣିବ କିଏ?

ତହୁଁ ନରିର ଅଭାବ ପଡିଲା । ସୁତରାଂ ସେ କିଛି ସାହାଯ୍ୟ ପାଇଁ ହରିପାଖରେ ହାତ ପତେଇଲା ।

ମାତ୍ର ହରି ସିଧାସିଧା ମନା କରି ଦେଲା । ନରି କ’ଣ, ଗ୍ରାମବାସୀ କାହାକୁ ହେଲେ କାଣି କଉଡିଟିଏ ବି ଦେଲାନାହିଁ । ଫଳରେ ସେଠାରୁ ସମସ୍ତ ଗ୍ରାମବାସୀ ଜୀବନ ବଂଚାଇବା ପାଇଁ ଗାଁ ଛାଡି ଚାଲିଗଲେ । ନରି ବି ଗାଁ ଛାଡି ଚାଲିଗଲା ।

ଦିନକର କଥା । ହରି ମନ୍ଦିରକୁ ପୂଜା କରିବା ପାଇଁ ଯାଇ ଦେଖିଲା, ମା’ ଲକ୍ଷ୍ମୀଙ୍କର ବିରାଟ ମୂର୍ତ୍ତି ତଳେ ଗଡିପଡିଛି । ବହୁ ଚେଷ୍ଟାକରି ମଧ୍ୟ ସେ ଏହାକୁ ଉଠାଇ ପାରିଲା ନାହିଁ । କାହା ସାହାଯ୍ୟ ନେବା ପାଇଁ ଚାହିଁଲା ବେଳକୁ ପାଖରେ କେହି ନଥିଲେ । ଗାଁଟା ଖାଲି ଖାଁ ଖାଁ ଲାଗୁଥିଲା ।

ଠିକ୍ ସେହିଦିନ ରାତିରେ ହରି ସ୍ୱପ୍ନରେ ଦେଖିଲା ତା’ ସମ୍ମୁଖରେ ମା’ ଲକ୍ଷ୍ମୀ ଠିଆହୋଇ ଆଖିରୁ ଲୁହ ଝରାଉଛନ୍ତି । କହୁଛନ୍ତି, ବତ୍ସ! ତୁମକୁ ଭଲ ଲୋକ ଭାବି ବହୁତ ଧନ ଦେଲି । ହେଲେ ତୁମେ ତା’ର ସଦୁପଯୋଗ କରିପାରିଲ ନାହିଁ । ତା’ ପରିବର୍ତ୍ତେ ଲୋକମାନଙ୍କୁ ଦୁର୍ବ୍ୟବହାର କରିବା ଦେଖି ମୋତେ ଲଜ୍ଜା ଲାଗିବାରୁ ମୁଁ ମୁହଁ ମାଡି ତଳେ ଶୋଇ ରହିଛି । ମୋତେ ଆଉ ଉଠାଇବା ଦରକାର ନାହିଁ ।”

ଏତିକି କହୁକହୁ ହରିର ସବୁ ଧନ ସମ୍ପତି, କୋଠାଘର କୁଆଡେ ଅଦୃଶ୍ୟ ହୋଇଗଲା । ହରି ଏବେ ବୁଝିପାରିଲା ଯେ, ଧନର ସଦୁପଯୋଗ ନ କରିବାରୁ ପୂର୍ବଭଳି ତାକୁ ପୁଣି ଦୀନଦୁଃଖୀ ଅବସ୍ଥା ଭୋଗିବାକୁ ହେଲା ।

Buy odia novels online from most trusted ecommerce site of Odisha, OdishaShop.

×

Download Image

You need to wait 5 before you can proceed

Download

Comments

comments