ସୁଜି ଉପମା

ସାମଗ୍ରୀ :

• ସୁଜି – ୨ କପ
• ଗରମ ପାଣି – ୧ କପ
• ତେଲ – ୬ ଟେବୁଲ ଚାମଚ
• ଚିନି – ୧/୨ ଚା’ ଚାମଚ
• ଲୁଣ – ସ୍ୱାଦ ଅନୁସାରେ
• କଟା ଗାଜର – ୧/୨ କପ
• ଗ୍ରୀନ ମଟର – ୧/୨ କପ
• ଭଜା ଚିନା ବାଦାମ – ୨ ଟେବୁଲ ଚାମଚ
• କଟା ପିଆଜ – ୧ କପ
• ସୋରିଷ – ୧ ଚା’ ଚାମଚ
• କଟା କଞ୍ଚା ଲଙ୍କା – ୬ରୁ ୭ ଟି
• ଅଦା ପେଷ୍ଟ – ୧/୨ ଚା’ ଚାମଚ
• ଭୁର୍ସୁଙ୍ଗା ପତ୍ର – ୭ -୮ ଟି

• ପ୍ରଣାଳୀ-

  ପ୍ରଥମେ କରେଇକୁ ଗରମ କରନ୍ତୁ । ସେଥିରେ ସୁଜି ପକାଇ ୨-୩ ମିନିଟ ଭାଜନ୍ତୁ । ସୁଳି ଅଳ୍ପ ଲାଲ ହେଲେ ପ୍ଲେଟକୁ କାଢି ରଖନ୍ତୁ । ଏବେ କରେଇରେ ତେଲ ଗରମ କରନ୍ତୁ । ଏଥିରେ ଲୁଣ, ସୋରିଷ, ଭୁର୍ସୁଙ୍ଗା ପତ୍ର ଓ ତେଜ ପତ୍ର ପକାଇ ୪-୫ ସେକେଣ୍ଡ ଭାଜନ୍ତୁ । ପରେ ପିଆଜ ପକାଇ ଭାଜନ୍ତୁ । ପିଆଜ ନରମ ହେଲେ ଗ୍ରୀନ ମଟର ଓ ଗାଜର କୁ ପକାଇ ଭାଜନ୍ତୁ । ପରେ ଅଦା ଓ କଟା ଲଙ୍କା ପକାଇ ମିଶାନ୍ତୁ । ଏବେ ଅଳ୍ପ ଆଞ୍ଚରେ ଏହାକୁ ୫ ମିନିଟ ଢାଙ୍କି ଦିଅନ୍ତୁ । ତାପରେ ଭଜା ସୁଜିକୁ ପକାଇ ଗୋଳାନ୍ତୁ ।୧- ୨ ମିନିଟ ପରେ ସ୍ୱାଦ ଅନୁସାରେ ଲୁଣ ଓ ଚିନି ପକାଇ ମିଶାନ୍ତୁ । ଏବେ ଗରମ ପାଣିକୁ ଅଳ୍ପ ଅଳ୍ପ ପକାଇ ଗୋଳାନ୍ତୁ । ପରେ ଭଜା ଚିନା ବାଦାମ ପକାଇ ମିଶାନ୍ତୁ । ଏହାକୁ ୫ ମିନିଟ ଢାଙ୍କି ଓହ୍ଲାଇ ନେଇ ଓ ଗରମ ଗରମ ପରସନ୍ତୁ ।