ଚିଲି ଚିକେନ୍

ସାମଗ୍ରୀ :

• ଚିକେନ୍ ପିସ୍ (ମଧ୍ୟମ )-୫୦୦ ଗ୍ରାମ୍
• ବଡ଼ ପିଆଜ-୪ଟି (ସରୁ ଲମ୍ବା କଟା)
• କ୍ୟାପସିକମ୍ -୩ଟି (ସରୁ ଲମ୍ବା କଟା)
• କଞ୍ଚାଲଙ୍କା-୪ଟି
• ସୋୟା ସସ୍ -୨ ଚାମଚ
• ଟମାଟୋ ସସ୍ -୨ ଟେବୁଲ-ଚାମଚ
• ଚିଲି ସସ୍ -୨ ଟେବୁଲ୍-ଚାମଚ
• ଲୁଣ-ସ୍ୱାଦ ଅନୁସାରେ
• ରିଫାଇନ୍ ତେଲ-ଛାଣିବା ପାଇଁ
• ଅଦା – ୨ ଇଞ୍ଚ
• ରସୁଣ-୧୨-୧୪ କୋଲା
• ଭିନେଗାର- ଅଧକପ୍
• ଅଣ୍ଡା-୩ଟି
• ଚାଇନା ସଲ୍ଟ – ୧/୨ ଚାମଚ
• କର୍ଣ୍ଣଫ୍ଲୋର- ୨-୩ ଟେବୁଲ-ଚାମଚ

ପ୍ରଣାଳୀ :ଅଦା-ରସୁଣକୁ ଭିନେଗାର ସହ ବାଟି ଚିକେନରେ ଗୋଳାଇ ୩-୪ ଘଣ୍ଟା ଫ୍ରିଜରେ ରଖିଦିଅନ୍ତୁ । କର୍ଣ୍ଣଫ୍ଲୋର ରେ ଲୁଣ, ଅଣ୍ଡା ମିଶାଇ ଭଲକରି ଫେଣ୍ଟି ଚିକେନ୍ କାଢ଼ି ମିଶାନ୍ତୁ । ତେଲ ଗରମ କରି ଏହି ଚିକେନ୍ ପିସ୍‌କୁ ଲାଲ୍ କରି ଭାଜି ଛାଣି ରଖନ୍ତୁ । ଅଳ୍ପ ତେଲ ରଖି ପିଆଜ, ଲଙ୍କା ଓ କ୍ୟାପ୍ସିକମ୍ ଭାଜନ୍ତୁ । ନରମିଗଲେ ଭଜା ଚିକେନ ପିସ୍‌ଗୁଡ଼ିକୁ ପକାଇ ଚାଇନା ସଲ୍ଟ ଓ ସସ୍ ସବୁ ଦେଇ ଗୋଳାଇ ପାଞ୍ଚ ମିନିଟ ରାନ୍ଧି ଗରମାଗରମ ନୁଡ଼ୁଲ୍ସ୍ ବା ନାନ୍ ସହ ପରଶନ୍ତୁ ।