ଏଗ୍ ମସଲା

ସାମଗ୍ରୀ :

• • ଅଣ୍ଡା – ୪ଟି
    
  • ପିଆଜ – ୨ଟି
    
  • ଅଦା ଓ ରସୁଣ ବଟା – ୨ ଚାମଚ
    
  • ଲଙ୍କା ବଟା – ୧ ଚାମଚ
    
  • ନଡ଼ିଆ ଓ ପୋସ୍ତ ବଟା – ୧ ଟେବୁଲ ଚାମଚ
    
  • ଟମାଟୋ ପ୍ୟୁରି – ୧/୨ କପ୍
    
  • ସିଝା ଆଳୁ – ୨ ଟି (ଅଣ୍ଡା ସାଇଜର)
    
  • ଗରମ ମସଲା ଗୁଣ୍ଡ – ୧/୨ ଚାମଚ
    
  • ତେଲ – ଛୋଟ ୧ କପ୍ (୫୦ ମିଲି)
    
  • ଲୁଣ – ସ୍ୱାଦ ଅନୁସାରେ
    
  • କଞ୍ଚାଲଙ୍କା – ୨ଟି
    
  • ହଳଦି – ୧/୨ ଚାମଚ

ପ୍ରଣାଳୀ-

ପ୍ରଥମେ ଅଣ୍ଡାକୁ ସିଝାଇ ଚେପା ଛଡ଼ାଇ ହାଲକା ଭାଜି ରଖନ୍ତୁ । ଆଳୁକୁ ସିଝାଇ ଚୋପା ଛଡ଼ାଇ ଦୁଇଫାଳ କରି କାଟି ରଖନ୍ତୁ । ପିଆଜ ଓ ଲଙ୍କାକୁ ସରୁ ଲମ୍ବାରେ କାଟି ରଖନ୍ତୁ । କରେଇରେ ତେଲ ଗରମ କରି ଅଦା-ରସୁଣ ବଟା ପକାଇ କଷନ୍ତୁ । ଗନ୍ଧ ଚାଲିଗଲେ ନଡ଼ିଆ ପୋସ୍ତ ବଟା, ଲୁଣ, ହଳଦି ପକାଇ ଆଉ ୩ ମିନିଟ୍ ଘାଣ୍ଟି ଟମାଟୋ ପ୍ୟୁରି ମିଶାନ୍ତୁ । ୫ ମିନିଟ୍ କଷିବା ପରେ ଆଳୁକଟା ଓ ଗରମ ମସଲା ଗୁଣ୍ଡ ପକାଇ ୧/୨ କପ୍ ପାଣି ଦିଅନ୍ତୁ । ପାଣି ଫୁଟିଗଲେ ଅଣ୍ଡାକୁ ଲମ୍ବାରେ ମଝରୁ କାଟି ଝୋଳରେ ପକାନ୍ତୁ ଓ ଧୀରେ ଧୀରେ ଗୋଳାନ୍ତୁ । କସ୍ତୁରୀ ମେଥି ପତ୍ର ୧ ଚାମଚ ପକାଇ ଗୋଳାଇ ୨ ମିନିଟ୍ ଘୋଢ଼େଇଦିଅନ୍ତୁ । ଗରମାଗରମ ପରଶନ୍ତୁ ।