ସାମଗ୍ରୀ :
- ଚିକେନ୍ – ୫୦୦ ଗ୍ରାମ୍
ସୋରିଷ ତେଲ – ୫ ଟେବୁଲ-ଚାମଚ
- ବିଲାତି – ୧ଟି
- ଲଙ୍କା – ୩ଟି
- କଟା ପିଆଜ – ୪ ଟି
- ଅଦା-ରସୁଣ ପେଷ୍ଟ – ୨ ଟେବୁଲ ଚାମଚ
- ଅଳେଇଚ – ୩ଟି
- ଲବଙ୍ଗ – ୩ଟି
- ଡାଲଚିନି – ଖଣ୍ଡେ
- ଜିରା – ଚିମୁଟାଏ
- ଜିରା ଗୁଣ୍ଡ – ୧ ଚା’-ଚାମଚ
- କାଶ୍ମିରୀ ଲଙ୍କାଗୁଣ୍ଡ – ୧ ଟେବୁଲ-ଚାମଚ
- ଚିନି – ୧/୨ ଚା’-ଚାମଚ
- ଲୁଣ – ସ୍ବାଦାନୁସାରେ
- ଗରମ ମସଲା ଗୁଣ୍ଡ – ୧/୨ ଚା’-ଚାମଚ
- ଘିଅ – ୧/୨ ଚା’-ଚାମଚ
- ପାଣି – ୧/୨ କପ
ପ୍ରଣାଳୀ-
- ଚିକେନ୍ କୁ ଭଲ ଭାବରେ ଧୋଇ ଏଥିରେ ଲୁଣ ଓ ହଳଦୀ ଗୋଳାଇ ଅତି କମରେ ଅଧ ଘଣ୍ଟାଏ ରଖନ୍ତୁ ।
- କରେଇରେ ତେଲ ଗରମ କରି ଜିରା, ଅଳେଇଚ, ଡାଲଚିନି, ଲବଙ୍ଗ ପକାଇ ଫୁଟିବା ଯାଏ ଅପେକ୍ଷା କରନ୍ତୁ ।
- ଫୁଟି ଆସିଲେ ଚିନି ପକାନ୍ତୁ । ଚିନି ଲାଲ ହୋଇ ଆସିଲେ କଟା ପିଆଜ ପକାଇ ମଉଳିବା ପର୍ଯ୍ୟନ୍ତ ଭାଜନ୍ତୁ ।
- ଏବେ ଅଦା-ରସୁଣ ପେଷ୍ଟ ପକାଇ ଗନ୍ଧ ଯିବା ଯାଏ ରାନ୍ଧନ୍ତୁ । ପରେ କଟା ବିଲାତି ପକାଇ ସିଝିବ ଯାଏ ରାନ୍ଧନ୍ତୁ ।
- ଏହାପରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଜିରା ଗୁଣ୍ଡ ପକାନ୍ତୁ ।
- ଏବେ ଦୁଇ ଚାମଚ ପାଣି ଦିଅନ୍ତୁ ଯାହା ଦ୍ୱାରା ମସଲା ପୋଡିଯିବାର ସମ୍ଭାବନା ରହିବ ନାହିଁ । ପରେ ଗ୍ରେଭିରୁ ତେଲ ଛାଡିବା ଯାଏ କଷନ୍ତୁ ।
- ଏହାପରେ ଗୋଳା ହୋଇ ରଖିଥିବା ଚିକେନ୍ କୁ ପକାଇ ୫ ମିନିଟ ପର୍ଯ୍ୟନ୍ତ ଭଲ ଭାବରେ କଷନ୍ତୁ । ଏବେ ୧/୨ କପ ପାଣି ଦେଇ, କରେଇରେ ଢାଙ୍କୁଣୀ ଢାଙ୍କି ଦିଅନ୍ତୁ ।
- ଚିକେନ୍ ସିଝିବା ପାଇଁ ଧିମା ଆଞ୍ଚରେ ଅତି କମରେ ୧୦-୧୫ ମିନିଟ ଯାଏ ରାନ୍ଧନ୍ତୁ । ଏହାପରେ ଢାଙ୍କୁଣୀ ଖୋଲି କରେଇର ଚାରିପଟେ ଖୁସୁଣୀ ମାରନ୍ତୁ ।
- ଯଦି ତରକାରୀ ଶୁଖିଲା ଅନୁଭବ କରନ୍ତି ତେବେ କିଛି ଗରମ ପାଣି ମିଶେଇ ପାରନ୍ତି । ଏବେ ୫ ମିନିଟ ପର୍ଯ୍ୟନ୍ତ ମଧ୍ୟମ ଆଞ୍ଚରେ ରାନ୍ଧନ୍ତୁ ।
- ଶେଷରେ ଯେତେବେଳେ ତରକାରୀ ପ୍ରସ୍ତୁତ ହୋଇଯିବ ଓ ଚିକେନ୍ ନରମ ହୋଇଯିବେ ସେତେବେଳେ ଘିଅ ଓ ଗରମ ମସଲା ଗୁଣ୍ଡ ପକାଇ ଭଲ ଭାବରେ ଗୋଳାଇ ଆଞ୍ଚ ବନ୍ଦ କରି ଦିଅନ୍ତୁ ।
- ଚିକେନ୍ କଷ।କୁ ରୋଟୀ କିମ୍ବା ଭାତ ସହ ପରସନ୍ତୁ ।
