ସାମଗ୍ରୀ :
- ଅଣ୍ଡା – ୩ଟି
- ତେଲ – ସେକିବାକୁ
- ବଡ଼ ପିଆଜ – ୨ ଟି (ସରୁ କଟା)
- କାକୁଡି – ୧ ଟି
- ଗୋଲମରିଚ ଗୁଣ୍ଡ – ୧/୩ ଚାମଚ
- ଲୁଣ – ସ୍ବାଦାନୁସାରେ
- ଚାଟ୍ ମସଲା – ସ୍ବାଦାନୁସାରେ
- ଲେମ୍ବୁରସ -୧ ଛେଟ ଚାମଚ
- କଟା ଧନିଆ ପତ୍ର – କିଛି
- ଚିଲି ସସ୍, ଟମାଟୋ ସସ୍, ସୋୟା ସସ୍ – ସ୍ୱାଦ ଅନୁସାରେ
ରୁଟି ପାଇଁ :
- ମଇଦା – ୨ କପ୍
- ଅଟା – ୧ ଟେବୁଲ-ଚାମଚ
- ଲୁଣ – ଅଳ୍ପ
- ପାଣି – ଦଳିବା ପାଇଁ
- ଦହି – ୧/୨ ଟେବୁଲ-ଚାମଚ
ପ୍ରଣାଳୀ-
ମଇଦା, ଅଟା, ଲୁଣ, ପାଣି ଓ ଦହି ମିଶାଇ ଭଲକରି ଦଳି ନରମ କରି ୧ ଘଣ୍ଟା ପାଖାପାଖି ଓଦାକନାରେ ଢାଙ୍କି ରଖନ୍ତୁ । ପରେ ରୁଟି ସାଇଜର ଗୁଳା କରି ପତଳା କରି ବେଲି ତାୱା ଉପରେ ଦୁଇପଟ ସେକି ରଖନ୍ତୁ ।
କଟା ପିଆଜ, କଟା କାକୁଡି, ଧନିଆ ପତ୍ରରେ ଲୁଣ, ଲେମ୍ବୁ ରସ, ଚାଟ୍ ମସଲା,ଗୋଲମରିଚ ଗୁଣ୍ଡ ପକାଇ ହାତରେ ଭଲକରି ମିଶାଇଦିଅନ୍ତୁ । ତାୱା ଗରମ କରି ତେଲ ପକାନ୍ତୁ । ଅଣ୍ଡାକୁ ଭଲକରି ଫେଣ୍ଟି ଅଧା ମିଶ୍ରଣକୁ ତାୱାରେ ଦେଇ ଆମ୍ଲେଟ୍ ପରି ଦେଇ ଉପରେ ଆଗରୁ ସେକା ହୋଇ ରଖା ହୋଇଥିବା ରୁଟିକୁ ତା’ ଉପରେ ଥାପିଦିଅନ୍ତୁ ଓ ଦୁଇ ପଟକୁ ଭଲକରି ସେକି କାଢ଼ନ୍ତୁ । ମଝିରେ ପିଆଜ ଓ କାକୁଡି ମିଶ୍ରଣରୁ ଦେଇ ଇଚ୍ଛା ମୁତାବକ ସସ୍ ପକାଇ ଗୁଡ଼ାଇ ରୋଲ୍ କରିଦିଅନ୍ତୁ । ସଫା କାଗଜରେ ରୋଲ୍ ଅଧାରୁ କାଗଜ ଗୁଡ଼ାଇ ଧରିବାକୁ କରି ପରଶନ୍ତୁ ।
