ସାମଗ୍ରୀ :
- ଅରୁଆ ଚାଉଳ – ୧ କପ
- କୋରା ନଡ଼ିଆ – ୧ କପ
- ଘିଅ ବା ରିଫାଇନ ତେଲ – ୮ ଛୋଟ ଚାମଚ
- ବେକିଙ୍ଗ ସୋଡ଼ା – ୧/୨ ଛୋଟ ଚାମଚ (ଚିମୁଟାଏ)
- ଚିନି – ୨ ଛୋଟ ଚାମଚ
- ଲୁଣ – ସ୍ୱାଦ ଅନୁସାରେ
ପ୍ରଣାଳୀ-
- ୪ ଘଣ୍ଟା ବା ପୂର୍ବ ରାତିରୁ ଚାଉଳ କୁ ଗୋଟେ ପାତ୍ର ରେ ବତୁରାଈ ରଖନ୍ତୁ ।
- ପରଦିନ ସକାଳେ ବା ୪ ଘଣ୍ଟା ପରେ ଚାଉଳ କୁ ଧୋଇ ନଡ଼ିଆ କୋରା, କ୍ଷୀର ଓ ଅଳ୍ପ ପାଣି ଦେଇ ଗ୍ରାଇଣ୍ଡର ରେ ଗ୍ରାଇଣ୍ଡିଙ୍ଗ କରନ୍ତୁ । ଟିକେ ପତଳା ଆଣ ପ୍ରସ୍ତୁତ କରନ୍ତୁ ।
- ଏବେ ଲୁଣ ଓ ଚିନି ମିଶାଇ ଗୋଳାଇ ଦିଅନ୍ତୁ ।
- ଯଦି ଆଣ ମୋଟା ବା ବହଳିଆ ହୋଇଯାଇ ଥାଏ ଅଳ୍ପ ପାଣି ଦେଇ ପତଳା କରନ୍ତୁ ।
- ଗ୍ୟାସ ଅନ କରି ତାୱା ବସାନ୍ତୁ । ତାୱା ଗରମ ହେଲେ ୧ ଚାମଚ ଘିଅ ବା ରିଫାଇନ ତେଲ ଦେଇ ତାୱା ମଝିରେ ଅଳ୍ପ ଆଣ (୨ ଟେବୁଲ ଚାମଚ) ଦେଇ ଘୋଡ଼ାଇ ଦିଅନ୍ତୁ । (ଏପରି ଏକ ଘୋଡଣି ନେବେ ଯେଉଁଥିରେ ଆଣ ସେଇ ଘୋଡଣି ରେ ଲାଗୁ ନଥିବ ଓ ସବୁ ସାଇଡ ଭଲକି ଲାଗି ବନ୍ଦ ହୋଇଥିବା ଦରକାର ) ।
ମନେରଖିବେ ପିଠା କୁ ଓଲଟାଇବେ ନାହିଁ । - ଏପରି ଆଣ ସରିବା ଯାଏ କରନ୍ତୁ ।
- ପ୍ଲେଟ କୁ ବାହାର କରି ପରସନ୍ତୁ । ମାର୍ଗଶିର ମାସ ଗୁରୁବାରରେ ଏହି ପିଠା ମା ଲକ୍ଷ୍ମୀ ଙ୍କ ପାଖରେ ଭୋଗ ଲାଗି ହୁଏ ।
