ସାମଗ୍ରୀ :
- ଅଟା -୫୦୦ ଗ୍ରାମ୍
- ଲୁଣ -ସ୍ବାଦାନୁଯାୟୀ
- ଉଷୁମ ପାଣି -ଦଳିବା ପାଇଁ
- ଦଳିବା ପାଇଁ କ୍ଷୀର – ୧/୨ କପ୍
କିମା ପାଇଁ
- ମାଂସ କିମା -୨୫୦ ଗ୍ରାମ୍
- ଚୂନାକଟା ପିଆଜ -୨ଟି ବଡ଼
- ରସୁଣ ,ଅଦା ବଟା -୧ ବଡ଼ ଚାମଚ
- ତେଲ (ଭାଜିବା ପାଇଁ) -୧ ବଡ଼ ଚାମଚ
- ଗରମ ମସଲାଗୁଣ୍ଡ —୧/୨ ଚାମଚ
- ଲଙ୍କାଗୁଣ୍ଡ -୧ ଚାମଚ
- ମୋଗଲାଇ ଅତର -୪ ବୁନ୍ଦା
- ଆଜିନୋ ମୋତୋ -ଚିମୁଟାଏ
- ମସଲା (ବଜାରରେ ମିଳେ) -୧ ଚାମଚ
- ଅଣ୍ଡା -୪ଟି (ଫେଣ୍ଟା)
- ରିଫାଇନ ତେଲ -ପରଟା ସେକିବା ପାଇଁ
- ଲୁଣ -୧ ଚାମଚ
- ହଳଦି -୧ ଚାମଚ
- କଟା ଧଣିଆ ପତ୍ର -୧ ଚାମଚ
- ଭଜା କାଜୁ ଓ କିସମିସ -୧ ବଡ଼ ଚାମଚ
ପ୍ରଣାଳୀ-
ଅଟାକୁ ନରମ କରି ଦଳି ଢାଙ୍କି୧/୨ଘଣ୍ଟା ରଖିଦିଅନ୍ତୁ । ମାଂସ କିମାକୁ ଭଲ କର ଧୋଇ ପାଣି ନିଗାଡ଼ି ରଖନ୍ତୁ । ପ୍ରେସର କୁକର ଗରମ କରନ୍ତୁ ଓ ତେଲ ପକାନ୍ତୁ । ଗରମ ହେଲେ କଟା ପିଆଜ ପକାଇ ଲାଲ କରି ଭାଜନ୍ତୁ, ଟିକେ ଲୁଣ ପକାନ୍ତୁ, ପିଆଜ ନରମ ହୋଇଯିବ । ଏଥର ଅଦା ରସୁଣ-ବଟା ପକାଇ ୩ ମିନିଟ୍ କଷନ୍ତୁ । ତା’ପରେ ଲଙ୍କାଗୁଣ୍ଡ, ଗରମ ମସଲା ( ୧/୨ ଚାମଚ), ମୋଗଲାଇ ଅତର, ଆଜିନୋ ମୋତେ, କିମା ମସଲା ଓ ୧/୨ ଚାମଚ ଚିନି ପକାଇ ୭-୮ ମିନିଟ୍ କଷନ୍ତୁ । ତେଲ ଛାଡ଼ି ବାସ୍ନା ଆସିଲେ ମାଂସକିମା, କାଜୁ ଦରକୂଟା କରି, କିସମିସ୍, ଧଣିଆ ପତ୍ର ପକାଇ ୧ ଚେବୁଲ ଚାମଚ ପାଣି ଦେଇ କମ୍ ଆଞ୍ଚରେ ଗୋଟେ ସିଟି ମାରି ସିଝାନ୍ତୁ । କୁକର ଥଣ୍ଡା ହେଲେ ଦେଖନ୍ତୁ, ଯଦି ପାଣି ଥାଏ ମାରିଦିଅନ୍ତୁ ଓ ବାକି ଅଧା ଗରମ ମସଲା ପକାଇ କାଢ଼ି ଥଣ୍ଡା ଟିକେ କରନ୍ତୁ ।
ଏହାସହିତ ଆଉ ଏକ ଚୁଲାରେ ତାୱା ଗରମ କରି ପତଳା ବଡ଼ ସାଇଜର ରୁଟି ବେଲି ଦୁଇପଟକୁ ହାଲକା ସେକି କାଢ଼ନ୍ତୁ । ମଝିରେ କିମା ମସଲା ଦେଇ ଚାରିପଟୁ ଭାଙ୍ଗିଦିଅନ୍ତୁ । ଏହା ଏଥର ଚାରିକୋଣିଆ ଆକାରର ହୋଇଯିବ । ଗୋଟିଏ ବାଉଲରେ ଅଣ୍ଡା ପଠାଇ ଫେଣ୍ଟି ରଖିଥାନ୍ତୁ । ସେଥିରେ ଟିପେ ଲୁଣ ଓ ଗୋଲମରିଚ ଗୁଣ୍ଡ ପକାଇ ଭଲକରି ଫେଣ୍ଟି ଦଅନ୍ତୁ । ପରଟାକୁ ଚଟୁ ସାହାଯ୍ୟରେ ଏପଟ ସେପଟ କରି ଟିକେ ଗୋଲଡେନ ରଙ୍ଗ ଆସିଲେ ଅଣ୍ଡା ଫେଣ୍ଟା ପକାଇ ଆଉ କିଛି ସମୟ ତାୱା ରେ ସେକନ୍ତୁ । ଅଣ୍ଡା ହୋଇଗଲେ ଗ୍ୟାସ ଆଞ୍ଚ ବନ୍ଦ କରି ଦିଅନ୍ତୁ । ଏଥର ଛୁରୀ ସାହାଯ୍ୟରେ ତିନି ବା ଚାରି କୋଣିଆ କରି କାଟି ପରଶନ୍ତୁ ।
