ସାମଗ୍ରୀ :
- ଗାଈ କ୍ଷୀର ଛେନା – ୧/୨ ଲିଟର (ନରମ )
- ସୁଜି – ୧/୨ ଟେବୁଲ ଚାମଚ
- ଚିନି – ୧/୨ କପ
- ଗୁଜୁରାତି – ୨ ଟି
- ପାଣି – ୨.୫ କପ
ପ୍ରଣାଳୀ-
ପ୍ରଥମେ ସଫା ସୁତା କପଡା ରେ ଛେନା ରଖି ଭଲଭାବରେ ଚିପୁଡ଼ି ଦିଅନ୍ତୁ ଯେପରି ଛେନା ରୁ ପାଣି ବାହାରି ଯିବ ୩-୪ ମିନିଟ ଏପରି କରନ୍ତୁ । ଏବେ ଛେନା କୁ ଗୋଟେ ଜାଗା ରେ ୧ ଘଣ୍ଟା ଟାଙ୍ଗି ଦିଅନ୍ତୁ ଅବଶିଷ୍ଟ ପାଣି ବି ନିଗିଡି ଯିବ । ଏବେ ଛେନାକୁ ଗୋଟେ ପ୍ଲେଟରେ ବାହାର କରନ୍ତୁ , ହାତ ପାପୁଲି ରେ ଛେନାକୁ ଭଲକି ଚକଟି ଦିଅନ୍ତୁ ଯେମିତି ଛେନା ବିଣ୍ଡା ହୋଇନରହେ । ଏବେ ଛେନାରେ ସୁଜି ପକାଇ ଆଉ ଥରେ ଭଲକି ଦଳନ୍ତୁ ।ଏବେ ଛେନା କୁ ଛୋଟ ଛୋଟ ଗୋଲ କରନ୍ତୁ (ପୁରୀ ଗୁଳା ପରି) । ଗ୍ୟାସରେ ପ୍ୟାନ ବସାଇ ପାଣି ୨.୫ କପ ନେଇ ଗରମ କରନ୍ତୁ । ପାଣି ଗରମ ହୋଇଗଲେ ସେଥିରେ ୧/୨ କପ ଚିନି ଓ ଗୁଜୁରାତି (ଦର କୁଟା ) ସେଥିରେ ପକାଇ ମଧ୍ୟମ ଆଞ୍ଚରେ ଗୋଳାନ୍ତୁ । ଚିନି ଶୀରା ରେ ପରିବର୍ତ୍ତିତ ହୋଇଗଲେ ଛେନା ଗୁଳା କୁ ସେଥିରେ ପକାଇ ୧୦ ମିନିଟ ଘୋଡାଇ ଦିଅନ୍ତୁ । ଏବେ ଘୋଡଣି ବାହାର କରି ଦେଖନ୍ତୁ ଛେନା ଗୁଳା ଗୁଡିକ ହାଲକା ହୋଇ ଭାସିବାକୁ ଲାଗିବ । ଏବେ ରସଗୁଲା କୁ ଗରମ ପାଣିରେ ୫ ମିନିଟ ପାଇଁ ପକାଇ ଦିଅନ୍ତୁ । ଏହାପରେ ଥଣ୍ଡା ଚିନି ଶୀରା ପକାଇ ପରସନ୍ତୁ କିମ୍ବା ଫ୍ରୀଜ଼ ରେ ରଖି ୨,୩ ଦିନ ଯାଇ ରସଗୁଲା ର ମଜା ନିଅନ୍ତୁ ।
