ସାମଗ୍ରୀ :
- ଚିଙ୍ଗୁଡ଼ି (ଚୋପାଛଡ଼ା) – ୫୦ ଗ୍ରାମ୍
- କଞ୍ଚା ଆମ୍ବ -୨ଟି
- ପିଆଜ – ୧ଟି ବଡ଼
- କଞ୍ଚାଲଙ୍କା – ୬ଟି
- ଧନିଆ ଗୁଣ୍ଡ – ୧ ଚାମଚ
- ତେଲ -୧ ଚାମଚ
- ହଳଦି – ୧/୨ ଚାମଚ
- ହେଙ୍ଗୁ – ୧ ଚାମଚ
- କର୍ଣ୍ଣ ଫ୍ଲୋର ବା ବେସନ – ୧ ବଡ଼ ଚାମଚ
- ନଡ଼ିଆ ରସ – ୫୫୦ ମିଲି
- ଲୁଣ – ସ୍ବାଦାନୁସାରେ
ପ୍ରଣାଳୀ-
ପ୍ରଥମେ ଚିଙ୍ଗୁଡ଼ି ଧୋଇ ପରିଷ୍କାର କରନ୍ତୁ । ଆମ୍ବରୁ ଚୋପା ଛଡ଼ାଇ ଛେଟ ଛୋଟ ଖଣ୍ଡ କରି କାଟନ୍ତୁ । ପିଆଜ-ରସୁଣକୁ ଚୁନା-ଚୁନା କରି କାଟନ୍ତୁ । ତେଲ ଗରମ କରି ପିଆଜ, ରସୁଣ ପକାଇ ଭାଜନ୍ତୁ । ତା’ପରେ ଧନିଆଗୁଣ୍ଡ, ହଳଦି ଓ ହେଙ୍ଗୁ ପକାଇ ୩ ମିନିଟ୍ ଗୋଳାନ୍ତୁ । ଚିଙ୍ଗୁଡ଼ି ପକାଇ ୨ ମିନିଟ୍ ଭାଜି ୭୫
ମିଲି ପାଣି ଦିଅନ୍ତୁ । ୫ ମିନିଟ୍ ପରେ ଆମ୍ବକଟା ପକାଇ ୧୦-୧୨ ମିନିଟ୍ ଫୁଟିଆସିଲେ ମଧ୍ୟମ ଆଞ୍ଚରେ ରାନ୍ଧନ୍ତୁ । ତା’ପରେ କର୍ଣ୍ଣଫ୍ଲୋର କୁ ନଡ଼ିଆ ରସରେ ଭଲକରି ମିଶାଇ ଗୋଳାଇ ଗୋଳାଇ ଏହି ମିଶ୍ରଣକୁ କରେଇରେ ମିଶାନ୍ତୁ । ଫୁଟିଗଲେ କମ୍ ଆଞ୍ଚରେ ଝୋଳ ବହଳିଆ ହେବାଯାଏଁ ରାନ୍ଧନ୍ତୁ । ଲୁଣ ଚାଖନ୍ତୁ । ହୋଇଗଲେ ସୁପ୍ ବାଉଲ୍ କୁ କାଢ଼ି ଉପରୁ କଟା ଧନିଆ ପତ୍ର, ଗୋଲମରିଚ ଗୁଣ୍ଡ ଓ ବ୍ଲାକ୍ ସଲ୍ଟ (କଳା ଲୁଣ) ପକାଇ ସର୍ଭ କରନ୍ତୁ ।
