ସାମଗ୍ରୀ :
- ଚିକେନ୍ – ୫୦୦ ଗ୍ରାମ ( ବୋନ୍ ଲେସ )
- ଲଙ୍କା ଗୁଣ୍ଡ – ୨ ଟେବୁଲ ଚାମଚ
- ହଳଦୀ ଗୁଣ୍ଡ – ୧/୪ ଟେବୁଲ ଚାମଚ
- ଅଦା-ରସୁଣ ବଟା – ୨ ଟେବୁଲ ଚାମଚ
- ଗରମ ମସଲା – ୧/୨ ଟେବୁଲ ଚାମଚ
- ଜିରା ଗୁଣ୍ଡ – ୧/୨ ଟେବୁଲ ଚାମଚ
- ଗୋଲମରିଚ ଗୁଣ୍ଡ – ୧/୨ ଟେବୁଲ ଚାମଚ
- ବେସନ – ୨ ଟେବୁଲ ଚାମଚ
- କର୍ଣଫ୍ଲୋର – ୧ ଟେବୁଲ ଚାମଚ
- ଅଣ୍ଡା – ୧ ଟି (ଧଳା ଅଂଶ)
- ତେଲ – ଫ୍ରାଏ କରିବା ପାଇଁ
- ଭ୍ରୁସଙ୍ଗ ପତ୍ର – ୪ -୬ ଟି
- କଞ୍ଚା ଲଙ୍କା – ୪ ଟି (ମଝିରୁ କଟା )
- ଖାଇବା ସୋଡ଼ା – ଚିମୁଟେ
- ଲୁଣ – ସ୍ୱାଦ ଅନୁସାରେ
ପ୍ରଣାଳୀ-
- ପ୍ରଥମେ ଗୋଟେ ପାତ୍ର ରେ ଚିକେନ୍ କଟା ନିଅନ୍ତୁ ସେଥିରେ ଲୁଣ ,ଲଙ୍କା ଗୁଣ୍ଡ ,ହଳଦୀ ଗୁଣ୍ଡ ,ଅଦାରସୁଣ ବଟା ପକାଇ ଭଲକି ଗୋଳାନ୍ତୁ, ଏବେ ଗରମ ମସଲା, ଜିରା ଗୁଣ୍ଡ, ଗୋଲମରିଚ ଗୁଣ୍ଡ ପକାଇ ଆଉଥରେ ଗୋଳାଇ ୨ ମିନିଟ ପାଇଁ ରଖି ଦିଅନ୍ତୁ ।
- ଚିକେନ୍ ରେ ଖାଇବା ସୋଡ଼ା ବେସନ ଓ କର୍ଣଫ୍ଲୋର ଅଳ୍ପ ପାଣି ମିଶାଇ ଭଲ ଭାବେ ଗୋଳାନ୍ତୁ ଯେପରି ବିଣ୍ଡା ରହି ନ ଯାଏ ।
- ଏବେ ଅଣ୍ଡା ର ଧଳା ଅଂଶ ପକାନ୍ତୁ ଓ ଆଉ ଥରେ ଗୋଳାନ୍ତୁ । ମିଶ୍ରଣ ଭଲକି ଗୋଳେଇ ହୋଇଗଲେ ୫ ମିନିଟ ଯାଏ ରଖି ଦିଅନ୍ତୁ ।
- କଡେଇ ରେ ତେଲ ନେଇ (ମାଧ୍ୟମ ଆଞ୍ଚ ରେ) ଗରମ କରନ୍ତୁ ସେଥିରେ ଚିକେନ୍ ପିସ କୁ ଅଳ୍ପ ଅଳ୍ପ ପକାଇ ସୁନେଲି ରଙ୍ଗ ହେବ ଯାଏ ଅଧିକ ତେଲ ରେ ୧୦ -୧୨ ମିନିଟ ଫ୍ରାଏ କରନ୍ତୁ ।
- ସୁନେଲି ରଙ୍ଗ ହୋଇଗଲେ ପ୍ଲେଟ କୁ ବାହାର କରି ଦିଅନ୍ତୁ ଓ ସେଇ ଗରମ ତେଲ ରେ କଞ୍ଚା ଲଙ୍କା , ଭ୍ରୁସଙ୍ଗ ପତ୍ର ପକାଇ ଟିକେ ଭାଜି ଦିଅନ୍ତୁ । ଏବେ ସର୍ଭିଙ୍ଗ ପ୍ଲେଟ କୁ ବାହାର କରି ଚିକେନ୍ ସହ କଞ୍ଚା ଲଙ୍କା, ଭ୍ରୁସଙ୍ଗ ପତ୍ର, ସସ୍ ଓ କଟା ପିଆଜ ରେ ସଜାଇ ପରସନ୍ତୁ ।
