ସାମଗ୍ରୀ :
- ସଜ ଛତୁ- ୬୦୦ ଗ୍ରାମ୍ (ପାଳଛତୁ, ଦରଫୁଟା)
- ପିଆଜ- ୧୫୦ ଗ୍ରାମ୍
- ବିଲାତି-୨୫୦ ଗ୍ରାମ୍
- ଘିଅ-୭୫ ଗ୍ରାମ୍
- ପିଆଜ ମଞ୍ଜି -୧ ଚାମଚ (ବଜାରରେ ମିଳେ)
- ଜିରା-୧ ଚାମଚ
- ଅଦା ବଟା-୨ ଟେବୁଲ୍-ଚାମଚ
- ରସୁଣ ବଟା-୨ ଟେବୁଲ୍-ଚାମଚ
- ଲଙ୍କାଗୁଣ୍ଡ-୧ ଚାମଚ
- ହଳଦି –୧/୨ ଚାମଚ
- ଧଣିଆ ଗୁଣ୍ଡ-୧ ଚାମଚ
- ଦହି- ୧୫୦ ଗ୍ରାମ୍
- ଲୁଣ-ସ୍ବାଦାନୁସାରେ
- କାଜୁ-୫୦ ଗ୍ରାମ୍
- ଧଣିଆ ପତ୍ର- ଆବଶ୍ୟକ ମୁତାବକ
ପ୍ରଣାଳୀ-
ଛତୁକୁ ବାଛି ସଫା କରି ହଳଦିପାଣିରେ ବୁଢ଼ାଇ କିଛି ସମୟ ରଖି ପୁଣି ପାଣି ନିଗାଡ଼ି ରଖନ୍ତୁ । ପିଆଜ ଓ ବିଲାତିକୁ ଛୋଟ ଛୋଟ କରି କାଟନ୍ତୁ । କରେଇରେ ଘିଅ ଗରମ କରି ପିଆଜ ପକାଇ ଭାଜନ୍ତୁ । ଲାଲ ହୋଇଗଲେ । ସେଥିରେ ଜିରା ଓ ପିଆଜ ମଞ୍ଜି ପକାଇ ଫୁଟାନ୍ତୁ । ପରେ ଅଦା-ରସୁଣ ବଟା, ଲଙ୍କାଗୁଣ୍ଡ, ହଳଦି, ଧଣିଆଗୁଣ୍ଡ ଏବଂ ୪ ଟେବୁଲ ଚାମଚ ପାଣି ପକାଇ ୩୦ ସେକେଣ୍ଡ୍ ଗୋଳାଇ ବିଲାତି ପକାନ୍ତୁ ଓ ତେଲ ଛାଡ଼ିବା ଯାଏଁ ରାନ୍ଧନ୍ତୁ । ପ୍ୟାନକୁ ଆଞ୍ଚରୁ କାଢ଼ି ଦହି ଓ ଲୁଣ ପକାନ୍ତୁ । ଭଲକରି ଗୋଳାଇ ପୁଣି ଗ୍ୟାସରେ ବସାନ୍ତୁ ଏବଂ ୪୦୦ ମିଲି ପାଣି ଦେଇ ଫୁଟିବାକୁ ଛାଡ଼ନ୍ତୁ । ତେଲ ଛାଡ଼ିଲେ ଓ ମସଲା ଭଲକରି ମିଶିଗଲେ ଛତୁ, କାଜୁ ଓ ଧଣିଆପତ୍ର ପକାଇ ୫ ମିନିଟ୍ କମ୍ ଆଞ୍ଚରେ ଘୋଡ଼ାଇ ବସାନ୍ତୁ । ହୋଇଗଲେ କାଢ଼ି ପରସନ୍ତୁ ।
