Odia Raja Doli Gita Banaste Dakila Gaja
During the Raja Festival in Odisha, Girls play swings tied on tree branches and sing Raja gita / Rajo Gita “Banaste Dakila Gaja”. Here is the full Odia Raja gita/Banaste Dakila Gaja lyrics illustrated :
ବନସ୍ତେ ଡାକିଲା ଗଜ
ବରଷକେ ଥରେ ଆସିଛି ରଜ,
ଆସିଛି ରଜ ଲୋ
ଘେନି ନୂଆ ସଜବାଜ ।
ରାଶିରୁ ଛାଡ଼ିଲା ଚୋପା
ଗୋଡ଼ରେ ନାଇଛୁ ସରୁ ଅଳତା,
ନାଇଛୁ ସରୁ ଅଳତା ଲୋ
ମଥାରେ ସିନ୍ଦୂର ଟୋପା ।
ଉଡ଼ିଲା ଶୁଆ ନାହାକା
ଦୋଳିଟା କାହିଁକି ଲାଗୁଛି ଏକା,
ଲାଗୁଛି ଏକା ଲୋ
କାହା ବିନା ଏକା ଏକା ।
ପାଚିଲା ଭଇଁଚ କୋଳି
ବେକରେ ନାଇଚି ଗଜରା ମାଳି,
ଗଜରା ମାଳି ଲୋ
ଝୁଲାଅ ରଜର ଦୋଳି ।
ପଣସ ପାଚିଲା ବନେ
ବନ ପୋଡ଼ିଗଲେ ଦୁନିଆ ଜାଣେ,
ଦୁନିଆ ଜାଣେ ଲୋ
ମନକଥା କିଏ ଜାଣେ ।
ଶଙ୍ଖ ମଲମଲ ଗିନା
ଦରଦ ଜାଣେଲୋ ଦରଦୀ ସିନା,
ଦରଦୀ ସିନା ଲୋ
ବଣିଆ ଚିହ୍ନେଟି ସୁନା ।
ନିମ୍ବର ବୁକେ ଚନ୍ଦନ
ଦେବତା ଗଢ଼ାଇଲା ନାରୀ ଜୀବନ,
ନାରୀ ଜୀବନ ଲୋ
ଦେଲା ତହିଁ ଯଉବନ ।
ଢମଣା ଛାଡ଼ିଲା କାତି
ପୁରୁଷ ସିନାଲୋ ଭ୍ରମର ଜାତି,
ଭ୍ରମର ଜାତି ଲୋ
ନୂଆ ଖୋଜୁଥାନ୍ତି ନିତି ।
ଚାନ୍ଦରେ କଳଙ୍କ ଚିହ୍ନ
ନବ ଯଉବନି କିଆଁ ଗୁମାନ,
କିଆଁ ଗୁମାନ ଲୋ
ଆସିଲେଣି ଜୀବ ଧନ ।
ପୋଖରୀ ତୁଠ ପଥର
ତତେ ଦେଖିଥିଲି ବାଲି ବନ୍ଧରେ,
ବାଲି ବନ୍ଧରେ ଲୋ
ଆଖି ଥିଲା ଏଣେ ତୋର ।
ସାହାଡ଼ା ଗଛର ଛାଇ
ସେଦିନ କଥାକି ତୋ ମନେ ନାଇଁ,
ମନେ ନାଇଁ ଲୋ
ଏତେ ଆନମନା କାହିଁପାଇଁ ।
ଖୋସାରେ ଖୋସିଲି ଫୁଲ
କେତେ ଦେଖାଉଛୁ ନୁଖୁରା ଗେଲ,
ନୁଖୁରା ଗେଲ ରେ
ଭାଙ୍ଗି ଦେବି ତୋର ଗାଲ ।
ନଈର ଶୁଖିଲା ବାଲି
କେତେ ଫୁଲି ହେଉ ପୁଚୁକିଗାଲି,
ହେଉ ପୁଚୁକିଗାଲି ଲୋ
ଦେଖାଉଛୁ କେତେ ବେଲି ।
ବାଜିଲା ତେଲିଙ୍ଗି ବାଜା
ରସିକ ଯେ ଜାଣେ ସ୍ନେହର ମଜା,
ସ୍ନେହର ମଜା ରେ
ସେ ସିନା ମୋମନ ରଜା ।
ଲୁଚିଗଲା ମେଘେ ଚାନ୍ଦ
ଦୋଳି କଟକଟ କରେ ଶବଦ,
କରେ ଶବଦ ଲୋ
ବହନ୍ତେ ପବନ ମନ୍ଦ ।
ଦୋଳି ହୁଏ କଟକଟ
ମୋ ଭାଇ ମୁଣ୍ଡରେ ସୁନା ମୁକୁଟ,
ସୁନା ମୁକୁଟ ଲୋ
ଦିଶୁଥାଏ ଝଟଝଟ ।
ପରବତେ ଜଳେ ନିଆଁ
ପହଞ୍ଚାଇ ଦୋଳି ତେଣେ ନ ଚାହାଁ,
ତେଣେ ନ ଚାହାଁ ଲୋ
ପୁଣି ହେବ ବାଆଁ ଡାଁ ।
ଉତୁରି ପଡ଼ିଲା ଦୁଧ
ଉଙ୍କି ମାରି ମାରି ଅନାଉ ଥାଏ,
ଅନାଉ ଥାଏ ଲୋ
ନନ୍ଦର ଉଦିଆ ଚାନ୍ଦ ।
ଛତରା ବଜାର ହାଟ
ଛକି ବସିଥିବ ଚଗଲା କାହ୍ନୁ,
ଚଗଲା କାହ୍ନୁ ଲୋ
ଛନ୍ଦରେ ମାଗିବ ଘାଟ ।
ଥୋଡ଼ମଞ୍ଜା କଲି ରାଇ
କଣ ନ କଲେ କଳା କହ୍ନାଇ,
କଳା କହ୍ନାଇ ଲୋ
ମୁହଁକୁ ଯା ନ ଅନାଇ ।
କରମଙ୍ଗା କଲି ରାଇ
ମଥୁରାକୁ ଗଲେ କଳା କହ୍ନାଇ,
କଳା କହ୍ନାଇ ଲୋ
କଣ୍ଟ ଦେଇ ଗଲେ କାହିଁ ।
ସାଉଁଟିଲି ବିଲ ଘଷି
କିମ୍ପାଇଁ ରାଧିକା ବସିଲା ରୁଷି,
ବସିଲା ରୁଷି ଲୋ
ଫୁଲ ଶେଜ ହେଲା ବାସି ।
କଟକଟ ହୁଏ ଦୋଳି
ଭାଉଜଙ୍କ ମନ ଯାଇଛି ଜଳି,
ଯାଇଛି ଜଳି ଲୋ
ଭାଇ ବିଦେଷୁ ନଇଁଲେ ବୋଲି ।
ଗରଜେ କଳା ବଉଦ
ମୋତେ ତ ବରଷ ହେଲା ଚଉଦ,
ହେଲା ଚଉଦ ଲୋ
ଗଲାଣି ପିଲା ସୁଆଦ ।
ବଇଁଶୀ ବାଜିଲା କୁଞ୍ଜେ
ବଡ଼କଥା ବଡ଼ ଲୋକଙ୍କୁ ସାଜେ,
ଲୋକଙ୍କୁ ସାଜେ ଲୋ
ଛୋଟ କଲେ ଛାଟ ବାଜେ ।
ଲାଞ୍ଜ ଟେକିଗଲା ବାଘ
ନଇଁ ଚାଲୁଥିବ ବଡ଼ଙ୍କ ଆଗେ।
ବଡ଼ଙ୍କ ଆଗେ ଲୋ
ଲାଗିବ ନାହିଁଟି ଦାଗ ।
ଛତୁ ଫୁଟେ ବରଷାରେ
ଛତରାଟା କେତେ ଛଇ ଦେଖାଉ,
ଛଇ ଦେଖାଉ ରେ
ଅଛି କି ତୋ ଭରଷାରେ ।
କରଡ଼ି ଖସିଲା ଆମ୍ବ
ପର କାହୁଁ ଘର ପରାଣୀ ହେବେ,
ପରାଣୀ ହେବେ ରେ
ମନ ଜାଣି ଖଞ୍ଜି ଦେବ ।
ବିରାଡ଼ି ଛିଙ୍କିଲା ବଣେ
ଆଗରେ ଯାଉଛି ନାଗର ଜଣ
ନାଗର ଜଣେ ଲୋ
ମୁଣ୍ଡି ଝାଡୁ ଖାଲି ପଣେ ।
ଅଦିନେ ପଣସ ସିଠା
ବଚନରେ ଯାର ନଥଏ ମିଠା,
ନଥଏ ମିଠା ଲୋ
ସେଟା ବାଡ଼ ପକା କଣ୍ଟା ।
ପାହାନ୍ତି ରାବିଲେ ପେଚା
ଯିଏ ହୋଇଥିବ ସିଂହର ବଚା,
ସିଂହର ବଚା ଲୋ
ନ ଦେବ ପଛଘୁଞ୍ଚା ।
ମଇଁଷି ଶିଙ୍ଗରେ ଖସା
ମଉସା ପୁଆଟା ଏଡ଼େ ସହସା,
ଏଡ଼େ ସହସା ଲୋ
ମତେ କଲା ଲୋକହସା ।
ଜାରା ମାରିଦେଲା ବାଣ
ଯାହାଠାରେ ଯାର ମିଶିଛି ମନ,
ମିଶିଛି ମନ ଲୋ
ସେହି ଜାଣେ ତାର ଗୁଣ ।
କାଟି ଗଲି କଳାଦୁବ
ଝିଅ ଜନମରେ ଏତିକି ଲାଭ,
ଏତିକି ଲାଭ ଲୋ
ବନ୍ଧୁ ଘର ଅରଜିବ ।
କାଳୀଗାଇ ଧୁଧ କ୍ଷୀରି
ନୂଆ ପୀରତିରେ ମଉଜ ଭାରି,
ମଉଜ ଭାରି ଗୋ
ପୁରୁଣାଟି ନିମ୍ବ ପରି ।
ଆମ୍ବ ପତ୍ର ଗହଳିଆ
ପ୍ରୀତି ପଙ୍କେ ତୁହି ହେବୁ ଗୋଳିଆ,
ହେବୁ ଗୋଳିଆଲୋ
ତୋଫା ହେବଟି ଧୁଳିଆ ।
ଥିରି ଥିରି ଚାଲେ ହାତୀ
ଥୟ ନ ହେଉଛି କିମ୍ପା ଏ ଛାତି,
କିମ୍ପା ଏ ଛାତି ଲୋ
ଥକା ଦୋଳି ହେଲା ରାତି ।
Send Odia Raja wishes to your friends/family with our stunning images. You can share Raja wishes on whatsapp also by downloading our “Odia Status” app from play store.
1 Comment
Pingback: Love in Dubai of Sarthak Tv – Episode 2 Full Video - Love in Dubai Videos