Hi Everyone,
How are you doing. You can find other small stories in our Odia Short Story portal.This story is based on a truthfulness reward. There is a story based on poor mother and her child. The poor man is always doing hardwork & earn money. The poor man always staying happy for his truthfulness. you wil enjoy this odia story and will share with your friends and family.
ପବିତ୍ର ନାମରେ ପିଲାଟିଏ । ତା’ର ହୃଦୟ ଯେଭଳି ପବିତ୍ର, ଠିକ୍ ସେହିପରି ତା’ର କାର୍ଯ୍ୟ, କଥାବାର୍ତ୍ତା ଆଚରଣ ମଧ୍ୟ । ମାତ୍ର ପିଲାଟି ଦିନରୁ ସେ ଅତ୍ୟନ୍ତ ଦୁଃଖୀ । ବାପଛେଉଣ୍ଡ ପବିତ୍ରର ସମ୍ପତ୍ତିବାଡି ବୋଲି ଝୁମ୍ପୁଡି ଘର ଖଣ୍ଡିକ, ସେଇଠି ସେ ମାଆ ସହିତ ରହେ । ମାଆ ତା’ର ସାଇପଡିସା ଘରେ ବାସି ପାଇଟି କରି ଗୁଜୁରାଣ ମେଂଟାଇ ଦିଏ ।
ପ୍ରଥମେ ପ୍ରଥମେ ପବିତ୍ର ଗାଁ ସ୍କୁଲକୁ ପାଠପଢିବାକୁ ଯାଉଥିଲା । ମାତ୍ର ତା’ର ବାପା ମଲାଦିନଠୁ ତା’ପାଠରେ ଡୋରି ବନ୍ଧା ହୋଇଯାଇଛି । ବାଧ୍ୟ ହୋଇ ପବିତ୍ର ଗାଁ ଲୋକଙ୍କ ଗାଈ ଜଗିବା କାମରେ ଏବେ ଲାଗିଯାଇଛି । ପ୍ରତ୍ୟହ ଗାଈଗୋଠନେଇ ଜଙ୍ଗଲକୁ ଚାଲିଯାଏ ସକାଳୁ, ଫେରି ଆସେ ସଂଜରେ ।
ଦିନକର କଥା, ପବିତ୍ର ଗାଈଗୋଠ ଲେଉଟାଇ ଗାଁକୁ ଫେରୁଛି । ହଠାତ୍ ତା’ର ନଜର ପଡିଗଲା ଗାଈସାଥୀରେ ତା’ର କଅଁଳ ବାଛୁରୀଟି ନାହିଁ । କୁଆଡେ ବଣୁଆ ରାସ୍ତାରେ ପଥହରା ହୋଇ କେଉଁଠି ଅଟକି ଯାଇଛି ବୋଲି ଭାବିଲା ।
ତହୁଁ ପବିତ୍ର ଗାଁରେ ଗାଈପଲକୁ ଛାଡିଦେଇ ଲେଉଟିଲା ପୁଣି ବଣଆଡେ । ମନରେ ଆଶଙ୍କା, କେଉଁଠିଥିବ, କ’ଣ କରୁଥିବ ସେ? ଏମିତି ନାନା ଆଶଙ୍କାରେ ଆଗକୁ ମାଡି ଚାଲୁଚାଲୁ ଦେଖିଲା ବାଛୁରୀଟି କଅଁଳିଆ ଘାସ ଖାଉଛି । ପବିତ୍ରଖୁସିରେ ବାଛୁରୀକୁ ନେଇ ଫେରିଲା ଗାଁକୁ । ଅନ୍ଧାର ମାଡି ଆସିଲାଣି ।
ଠିକ୍ ଏତିକିବେଳେ ପବିତ୍ରର ଗୋଡରେ କ’ଣ ଗୋଟିଏ ଗଣ୍ଠିଲି ବାଜିଲା । ସେ ଦେଖିଲା ବେଳକୁ ଟଙ୍କା ମୁଣିଟିଏ ଜାଣିଲା । ମନରେ ଭାବିଲା କାହାର ଅଜାଣତରେ ଏହା ଖସିପଡିଛି । ତହୁଁ ପବିତ୍ର ଟଙ୍କା ମୁଣିକୁ ବି କାନ୍ଧରେ କାନ୍ଧେଇ ଫେରିଲା ଘରକୁ । ଘରେ ମାଆ ପୁଅ ଦୁହେଁ ଏହାକୁ ଦେଖି ମନରେ ସ୍ଥିରକଲେ ଯାହାର ଏ ଟଙ୍କା ମୁଣି ତାକୁ ହିଁ ଫେରାଇ ଦେବାକୁ ହେବ ।
ପବିତ୍ରର ମାଆ ପୂର୍ବଦିନ ପୋଖରୀ ତୁଠରେ ଗାଧୋଇବାବେଳେ ଶୁଣିଥିଲା ଯେ ଗାଁ ମହାଜନଙ୍କର ଟଙ୍କାମୁଣିଟି କେଉଁଠାରେ ଖସି ପଡିଛି । ସେ ତାଙ୍କର ବ୍ୟବସାୟରୁ ଏହି ଟଙ୍କା ଆଦାୟ କରି ଫେରୁଥିଲା ବେଳେ ଏହି ଘଟଣା ଘଟିଥିଲା । ସୁତରାଂ ଏହା ନିଶ୍ଚୟ ସେହି ମହାଜନର ଟଙ୍କା ମୁଣି ହୋଇଥିବ ଭାବି ଠଉରେଇ ନେଲେ ।
ରାତି ପାହିଲା । ସକାଳୁ ସକାଳୁ ମାଆପୁଅ ଦୁହେଁ ଟଙ୍କା ମୁଣି ଧରି ଚାଲିଲେ ମହାଜନ ଘର ଆଡେ । ଏଣେ ମହାଜନେ ହଜିଯାଇଥିବା ଟଙ୍କା ମୁଣିପାଇ ବହୁତ ଖୁସିହେଲେ । ଆଉ ସେମାନଙ୍କର ସଚ୍ଚୋଟତା ଦେଖି ଖୁବ୍ ଆଶ୍ଚର୍ଯ୍ୟ ବି ହେଲେ । ମାଆପୁଅଙ୍କୁ ପୁରସ୍କାର ଦେବା ଲାଗି ତାଙ୍କ କର୍ମଚାରୀକୁ ବି କହିଦେଲେ ।
ମାତ୍ର ପୁରସ୍କାର ଗ୍ରହଣ କରିବାକୁ ମାଆପୁଅ ଦୁହେଁ ଅନିଚ୍ଛା ପ୍ରକାଶ କଲେ । ଏବେ ପବିତ୍ରର ମାଆ ମହାଜନଙ୍କୁ ହାତଯୋଡି କହିଲେ, ମହାଶୟ! ଆମେ ଗରିବ ସତ, ହେଲେ କାହାର ଦାନ କି ପୁରସ୍କାର ଉପରେ ଆମେ ନିର୍ଭର କରୁନାହୁଁ । ଆମେ କଠୋର ପରିଶ୍ରମ କରି ଟଙ୍କା ରୋଜଗାର କରିବା ବ୍ୟତୀତ ଅନ୍ୟ କିଛି ଜାଣୁନାହୁଁ । ଆପଣ ଯଦି ପାରିବେ ମୋ ପୁଅକୁ ଚାକିରି ଖଣ୍ଡିଏ ଦେଲେ ଆମେ ଉପକୃତ ହୁଅନ୍ତୁ । ସେ କିପରି ମଣିଷ ଭଳି ମଣିଷଟିଏ ହେବ – ଏହାହିଁ ମୋର କାମନା ।”
ଏହାଶୁଣି ବାଳକ ପବିତ୍ରକୁ ମହାଜନେ ଅତି ଆଦରରେ କୋଳେଇ ନେଲେ ଓ ତାଙ୍କର ମୁଖ୍ୟ ଗୁମାସ୍ତା ଚାକିରିରେ ନିଯୁକ୍ତ କରିଦେଲେ । ଏଥର ମାଆପୁଅ ଦୁହେଁ ତାଙ୍କର ସଚ୍ଚୋଟତା ଗୁଣ ଯୋଗୁଁ ଆନନ୍ଦରେ ରହିଲେ ।
Comments
comments